Rêvebira Peywendiyan di Komîteya Hevbeş ya Sûrî-Tirkî de Înas Elnecar, tekezî li ser rola girîng ya komîteyê di şopandina karûbarên Sûriyan de li Tirkiyê û girîngtirîn pirsgirêkên ku rûbirûyê wan dibin û karê ji bo dîtina çareyên yasayî jê re kir.
Û di sêyemîn salvegera damezrandina Komîteya Hevbeş ya Sûrî-Tirkî de, Înas diyar kir ku Komîteyê di heyama xebatên xwe de serkeftinên mezin bi dest xistin, ji ber ku karîbû zêdetir ji 23 hezar formên yasayî kom bike, û tîma komîteyê jî nêzîkî 378 daxwaznameyên yasayî amade kirin, ji bilî bersivdana bi dehê hezaran peyam û pêwendiya bi xwediyên wan re.
Û bal kişand ser ku Komîteyê hejmarek ji derbiderên ku bi şaşî hatine koçberkirin vegerandin, û mîkanîzmek ji bo peywendiyê bi rayedarên fermî yên Tirkiyê re ava kir, û lîsteyek ji zêdetirî 300,000 malbatên Sûrî yên ku hewcedarî alîkariyê ne ji kesên ku ziyan ji encama dema girtinê ji ber belavbûna korona dîtine amade kir.
Elnecar got ku Komîteyê alîkarî di derbaskirina kesên ku nexweşiyên wan dijwar in ji bakurê Sûriyê bo Tirkiyê bi armanca dermankirinê kir, ji bilî redkirina gotegotên derew li ser Sûriyan û danûstandina bi alavên ragihandinê yên Sûrî û Tirkî re, ji bo rastkirina wan, û rûbirûbûna gotara ku nefretê çêdike.
Û diyar kir ku Komîteyê lîsteyek ji nêzîkî 450 rojnamevan û çalakvanên Sûrî yên li Tirkiyê dijîm amade kiriye, û ew ji aliyê desthilatên fermî ve hatiye pesendkirin, her weha hevrêzkariya kongirekî li gel Rêvebiriya Koçberiyê di riya Înternetê re û vexwendina wan bo wî kongirî.
Û Elnecar cext kir ku karê komîteyê ne hêsan bû, û Komîteyê karibû wan dijwariyan di riya hevkariyê û pêwendiya berdewam û hevrêzkariya di navbera xwediyên pirsgirêkan û aliyên fermî yên Tirkî de re li paş xwe bihêle.
Jêder: Ofîsa Ragihandinê ya Hevbendiya Niştimanî ya Sûrî
