Îro duşemê ji aliyê ofîsa Hevbendiya Niştimanî ya sereke ve li gundewarê bakurê Helebê civînek digel werzîşvanên Sûrî lidar ket, ji bo gotûbêjkirina dosya werzîşê û amadekariyên ji bo lidarxistina çalakiyên werzîşê li tevaya deverên rizgarkirî.
Kordînatorê ofîsa Hevbendiya Niştimanî li gundewarê Helebê, Ahmed Al-Şehadi, endamê Hevbendiya Niştimanî, Serokê Encûmena Turkmenên Sûrî, Dr. Mihemed Wajih Cuma, û Serokê Komîteya Olîmpîk ya Sûrî, Xalid al-Ali tevlî civînê bûn.
Al-Ali, mekanîzma Komîteya Olîmpîk û rola Hevbendiya Niştimanî di alîkarîkirina werzîşvanên Sûrî di deverên rizgarkirî û welatên diaspora de nirxand, û girîngiya çalakiyên werzîşvanên azad û bilindkirina navê Sûriye û şoreşê di nav olîmpîkên erebî û navneteweyî de bi bilindî nirxand.
Li nêrînên werzîşvanan û hewcedariyên wan û tengasiyên ku dikevin di rêya pêşveçûn û şopandina karê wan de hat guhdar kirin, nemaze saxbîrkrina avahiyên meşqê û yarîgehan, û girîngiya damezrandina kursên pêşveçûn û rahênanê ji bo rahêner û dadweran hatin gotûbêjkirin.
Herwiha behsa organîzekirina karê werzîşê li deverên rizgarkirî; ji bo pêkanîna çalakî û karên werzîşê yên birêkûpêk hat kirin, da geşbûna çalakî û bandora werzîşa Sûrî lê vegere.
Jêder: Ofîsa Ragihandina Hevbendiya Niştimanî ya Sûrî
