Hevbendiya Niştimanî ya Sûriyê daxwaz ji Netewên Yekgirtî kir bi hilgirtina berpirsyaretiyên xwe û cêbicêkirina bilez ji biryara 2139an ya têde derbaskirina alîkariyên hawarçûnê û şikandina dorpêçê li ser hemû navçeyan hatiye.
Di daxuyaniyekê de Salim Elmislt berdevkê fermî yê Hevbendiya Niştimanî dorpêça rêjîma Esed li ser Sivîlan û li ser hemû navçeyên Sûriyê pirotisto kir û nemaze dorpêça wê li ser taxa Elwe’ir li Himusê û Xota rojhilat li gundewarê Şamê.
Herwiha Elmislit dorpêça rêxistina DAIŞ li ser zêdetir ji 300 hezar sivîl di hindur herdu taxên Elcûre û Elqisûr de li Dêrazorê şermezar kir, ku hatûçûna sivîlan û herwiha derbaskirina xwarinê û pêdawîstiyên serekî li ser wan qedexe kiriye, tevlî birîna hêlên pêwendiyê û birîna eletrîk û avê.
Elmislit li bîra Cîhanê anî ku ev dorpêçkirin derbasî heftiya çaran bûye û bi “Şêwaz û hovîtiya xwe, hevşêweyê heman şêwazên rêjîma Esed e, û mîna rewşa çendîn navçeyên Sûriyê yên Sivîl tê de bûne qurbaniyên terora Esed û Terora DAÎŞê”.
Di dawiya daxuyaniya xwe de Elmislit tekez kir Ku ” rêjîma Esed bi armanca berdewamiya xwe di desthilatê de û ji boyî nûjenkirina pirojeyê xwe yê stemkarî, bi qumarê li ser jiyana Sivîlan û ya serbazên xwedilîze heta dilopa dawî ji xwîna wan”.
Jêder:Hevbendî
