Girûpa Kar ji bo Filestîniyên Sûriyê, dît ku tiştê di girtîgehên rijêma Esed de dermafê penaberên Filestînê pêk tê bi hemû pîvanan tawana cengê ye, û daxwaza serbestberdana girtiyên Filestînî yên ku ji destpêka xwepêşandanên Sûriyê di sala 2011an de ta dîroka îro hatine girtin, kir.
Û Girûpa Kar got ku desthilat û şaxên leşkerî yên Filestînî ên bi ser rijêma Esed ve, berpisyariya guhnedana dosya girtiyan û paşguhkirina wê bi awayekî tam hildigrin, tevî ku hin endamên wan şaxan di zîndanên Esed de girtî ne.
Ev yek hevdem e li gel serdana fermî yaku tevgera Hemasê bo rijêma Esed, yaku Emîndarê Giştî yê Hevbendiya Niştimanî ya Sûrî Heysem Rehmê dîtiye ku tiştê Hemasê kiriye xiyanet e ji herdû miletên ereb û misilman re, û destberdana ji pirensîpên mirovî ye û sivkatî bi xwîna gelê Sûriyê û yê filistînê ye, ew xwîna ku bi destê tawankarê cengê Beşar Esed hatiye rijandin.
Û Rehmê bal kişand ser ku “Çawa rijêma Esed ya tawankar nûneratiya gelê Sûriyê nake, Tevgera Hemas jî nûneratiya helwesta gelê Filistînê yê bira nake, gelê Filistînê yê ku di her boneyekê de resenî û hevxemî û hevkariya xwe li kêleka gelê Sûriyê yê azadîxwaz çesipandiye”.
Û Girûpa Kar ji bo Filestîniyên Sûriyê anî ziman ku wê kariye agahiyên 638 qurbaniyên Filestînî yên ku di girtîgehên rijêmê de ji ber işkencê canê xwe ji dest dane belge bike, û 59 penaberên Filestînî di nav wan de hene, piştî ku wêneyên wan di nav wêneyên qurbaniyên işkencê di zîndanên Esed de derketine hatine naskirin, û got ku 34 jinan di bin işkencê de canê xwe ji dest dan, ji bilî bidehan ji penaberên Filestînî û Sûrî yên ku di zîndanan de bi awayekî yekser hatine kuştin, piştî ku rastî işkenceya tund hatibûn.
Û Girûpa Kar ji bo Filestîniyên Sûriyê, bal kişand ser ku dibe ev hejmar zêde bibe, nemaze li gel bêdengiya desthilatê der barê çarenivîsa bêhtir ji 2000 penaberên filestînî, ji aliyekî dî ve kesên ku lawên wan winda bûne yan ta niha binçavkirî ne, newêrin ji tirsa girtin û peyketina ewlekarî gilî bikin.
Jêder: Ofîsa Ragihandinê ya Hevbendiya Niştimanî ya Sûrî
