Rêxistinin Sûrî yên Mafên Mirovan, tekez kirin ku pêwîst e haydarî ji dîroka dirêj a rijêmê di warê siyasetkirina alîkariyan de hebe, û bobelata mirovî ji Esed re nebe derfetek ku pê ji sizayê rizgar bibe, û nebe rêyek ku civaka navdewletî pê çavên xwe ji tawanên rijêmê bi behaneya gihîştina hewcedaran bigire.
Û Rêxistinên Mafnasî di daxwiyaniyeke hevbeş de diyar kirin ku talankirina rijêma Esed ji alîkariyên Navnetewî û navdewletî re, bi gelek raportên mafnasî yên navdewletî û herêmî û xwecihî hatiye çespandin.
Û daxwiyaniya hevbeş diyar kir ku rijêma Esed bi dirêjahiya 12 salan bûye sedema kuştin û koçberkirina bi milyonan ji xelkê Sûriyê, û bal kişand ser ku rijêm hêjî di pêkanîna binpêkirinan dermafê gelê Sûriyê, bi taybetî di windakirina kotekî û îşkencê de berdewam e.
Û daxwiyaniya rêxistinan dît ku vegerandina peywendiyan bi rijêma Esed re, an her hewlek ji bo vejandina wê, weke piştgiriyê ji rijêma ku destê wê di tawanên dijî mirovahiyê de heye re ye, û ev yek binpêkirin e ji yasaya navdewletî re. Û bal kişand ser ku hevalbenda rijêma Esed (Rusya) 4 caran li dijî derbasbûna alîkariyên mirovî di riya sînorê bakur-rojhilat û bakur-rojavayê Sûriyê re Veto bikar aniye.
Û Rêxistinan bal kişand ser ku rijêm guh nade jiyan û azarên Sûriyan li deverên di bin kontrola wê de, nejî deverên li derveyî kontrola wê, û ew pêwendiyên derbarê alîkariyan ji xwe re wek derfet ji bo vegerandina têkiliyên siyasî dibîne, û ev yek piştrast dike ku Sûrî tenê girew û rehîne ne di destê rijêmê de û wan û derdeseriyên wan ji xwe re ji bo fişara li ser civaka navdewletî bikar tîne, û erdhej wek derfeteke nû jê re hat.
Û Rêkxistinên ku li ser daxwiyaniyê îmza kirine, tekez kirin ku pêwîst e dewlet ti carî sist nebin derbarê binpêkirinên ku ji aliyê rijêma Esed û aliyên din ve pêk tên, û bobelata mirovî ya ku di encama erdhejê de hat, jêre nebe rêyek ji bo veberhênana siyasî.
Jêder: Ofîsa Ragihandinê ya Hevbendiya Niştimanî ya Sûrî
