Saziya Human Rights Watch di rapora xwe ya îro de, tekez kir ku Artêşa Libnanê bi awayekî kotekî di herdû heyvên nîsan û gulana 2023an de, bi hezaran Sûrî girtin û dersînor kirin, û zarokên ku xwedanên wan ne bi wan re di nav wan de hebûn.
Û lêkolînerê Libnanî yê di Human Rights Watch de, Remzî Qeys, got ku Sûrî herdem di tiresê de ne, ji ber gengaziya girtin û vegerandina wan bo rewşeke metirsîdar.
Û Rights Watch amaje bi wê yekê kir ku tevî ku amareke fermî ya giştî derbarê hejmara girtin û dersînorkirinê nîne, lê çavkaniyekê ji rêxistinên mirovî anî ziman ku ji Nîsana 2023an ve, zêdetir ji 100 bûyerên girtina ser malan, û desteserkirina 2200 kesî, û 1800 operasyonên dersînorkirina penaberên Sûrî, pêk hatine.
Û Rights Watch li ser zimanê kesekî ku hevpeyvîn pêre çêkiribû, got ku piştî ew hat dersînorkirin, Asayîşên Leşkerî yên Sûrî ew li gel 12 kesên dîtir girtin, û di Şaxê 235 de li Şamê, yê bi navê Şaxê Filestînê naskirî, hatin binçavkirin, û got ku ew rastî îşkenceyeke tund û kehrebekirin û lêdana bi xertûman û daliqandina bi banî ve hatin.
Û saziyê tekez kir ku dersînorkirina sûriyan di rêya rêşûnên kurt re ji hêla Artêşa Libnanî ve, bi rengekî eşkere yasaya Libnanê binpê dike, yasaya ku rêşûnên operasyonên dersînorkirinê têde hewcedarî desthilateke dadwerî ye, an di rewşên awarte de biryarê ji Rêvebirê Giştî yê Ewlekariya Giştî ya Libnanê dixwaze.
Û Human Rights Watch ji hikûmetên ku pereyan didin Artêşa Libnanê xwest ku fişarê lê bikin, da ku operasyonên dersînorkirina sûriyan bi rêşûnên kurt bidawî bibin, û ji hikûmetên ku pereyan didin xwest ku nirxandineke giştî ji rewşa mafên mirovan re deynin, û fişarê li Libnanê bikin da bihêle ku mîkanîzmeke giliyên serbixwe çêbibe, bo garantî bibe ku ew pereyên hatine dayîn di binpêkirinên mafên mirovan de ne beşdar bin.
Jêder: Ofîsa Ragihandinê ya Hevbendiya Niştimanî ya Sûrî
