Dezgehên ewlekariyê yên Rijêma Esed di êrîşên xwe yên li ser gundewarê Şama paytaxt de berdewam in, û di helmeta ewlekarî ya vê dawiyê li bajarokên “Hezze” û “Eyn Terma” li gundewarên Şamê de şeş ciwan girtine.
Û çalakvanan diyar kirin ku dewriyeke Şaxê Ewlekariya Leşkerî bi helmeteke girtina ser malan û lêgerînê li taxên nişteciyan li wan herdû bajarokan rabû, bi armanca girtina xortan ji bo leşkeriya neçar.
Û malpera “Dengê Paytextê” amaje bi wê yekê kir ku di encama helmeta ewlekariyê de 4 xort ji bajarokê “Hezze”, û 2 xortên ji taxa Jober ên ku li “Eyn Terma” dijîn, hatin girtin.
Û bal kişand ser ku wê dewriya ewlekariyê girtî veguhestin Şaxê Ewlekariya Leşkerî li Şama paytext, bi armanca lêpirsîna li gel wan berî ku radestî şaxê Polîsê Leşkerî bikin, ji bo amadekariyên tevlîbûna li nav yekîneyên hêzên Beşar Esed.
Û Tora Sûrî ya Mafên Mirovan girtina 137 sivîlan li Sûriyê di sibata 2023an de belge kiribû, jin û zarok jî di nav wan de hebûn, û bal kişand ser ku nîvê wan ji aliyê dezgehên ewlekarî yên rijêma Esed ve hatine girtin.
Jêder: Ofîsa Ragihandinê ya Hevbendiya Niştimanî ya Sûrî
