Endamê Desteya Siyasî ya Hevbendiya Niştimanî ya Sûrî Ebdulbasit Ebdulletîf, tekez kir ku rijêma Esed û milîsên Hizbullah ên tirorist ne tenê şerê gelê Sûriyê kirin ji bo şoreşa wî vemirînin, lêbelê ew di çêkirina keresteyên hişbir li başûrê Sûriyê û belavkirina wan li seranserê cîhanê berdewam in.
Û Ebdulletîf got ku rijêma ku aboriya welat wêran kiriye li gel milîsên xwe yên ku ji derve anîne bo şerê azadîxwazan, bûye berhemdar û hinardekarekî sereke yê keresteyên hişbir bo welatên cîran û cîhanê, û got ku rijêm xwedispêre bazirganiya keresteyên hişbir da xwe ji sizayan rizgar bike, û jêdereke darayî ji makîneya xwe ya leşkerî re peyda bike.
Û li gorî raporên rojnamevanî rijêma Esed û milîsên Hizbullah ên terorîst parêzgeha Siweyda ya başûrê Sûriyê bi keresteyên hişbir tijî kiriye û kargehên “Captagon” li wir têne bicihkirin û wê dikin çavkaniyek, û wê deverê ne tenê weke rêyekê bikar tînin.
Û Rojnameya Elşerq Elewset duh di raportekê de amaje bi wê yekê kir ku hevkarên milîsên Hizbullah yên terorîst li deverê çalak in, her weha milîsên girêdayî şaxên ewlekariyê yên rijêmê bi serpereştiya serokê desthilatê Beşar Esed in.
Û Raportê bal kişand ser ku ev libok di nav ciwan û xwendekarên dibistanan de tên belavkirin, û milîsên Hizbullah para herî mezin di berhemdan û birêvebirina torên belavkirinê de digirin, û raporê anî ziman ku Firqeya Çarem ya bi serokatiya Mahir Esed serpereştiya operasyonên berhemdan û belavkirinê dike.
Û raporê diyar kir ku “armanca rijêma Esed ji vê yekê bidestxistina pereyan e, daku li çekdarên xwe û liva wan û çek û mûçeyên wan xerc bike, û wê parêzgeha ku nehiştiye Îran derbasî hundirê wê bibe û bi hemî rêyan li ber xwe daye lawaz bike.
Û Rojnameya New York Times berî niha li ser zimanê Berpisyarekî Emrîkî gotibû ku “Nirxê libokên Captagon yên ku ji Sibata 2021an vir ve ji Sûriyê hatine hinartin, 3 milyar dolar e.”
Jêder: Ofîsa Ragihandinê ya Hevbendiya Niştimanî ya Sûrî
