Berevaniya Sivîl ya Sûrî, dît ku armanckirina taxên niştecihan ji aliyê rijêma Esed û Rusya ve binpêkirineke eşkere ji yasaya mirovî ya navdewletî re ye, û cext kir ku dadpirsîn û rizgarnebûna ji cezayan rê li pêşiya van êrîşên kujêr digirin.
Û Berevaniya Sivîl di daxwiyaniyeke xwe de got ku hêzên Rijêmê û Rusya, duh yekşemê, taxên niştecihdar li bajarokê Sermîn li gundewarê rojhilatê Idlibê armanc kirin, û bêhtirê qurbaniyên bombebarankirinê zarok bûn, û di encamê de zarokek hat kuştin û 4 zarokên din jî birîndar bûn, zarokekî şîrmij di nav wan de hebû.
Û daxwiyaniyê amaje bi wê yekê kir ku bombebarana hêzên rijêmê û Rusya di çarçoveya rêbaza kuştina ji bo kuştinê de tê, her weha bêparkirina sivîlan ji aramiyê û sepandina rewşa tirs û sawê di nav sivîlan de.
Û armanca rijêma Esed û Rusya ji vê bombebarankirina rêbazkirî ew e, sepandina astengkirina zêdetir li ser jiyana sivîlên ku hîn ji encamên bobelata erdhejê bi ser xwe ve nehatine, bi rêya şerê li dijî hemû awayên jiyanê û çavkaniyên debara rojane, weke binpêkirineke eşkere ji yasaya navdewletî ya mirovî û kêmtirîn nirx û yasayên mirovî re di dema bobelatên xwezayî de.
Jêder: Ofîsa Ragihandinê ya Hevbendiya Niştimanî ya Sûrî