Hevbendiya Niştimanî ya hêzên şoreş û rikberiya Sûriyê, mixabinî nîşan da li hember nexwestina Rûsiya der bare beşdariya rêjîma Esed di danustandên Cinêv de yên çaverêkirî ku bêne lidarxistin di heftiya bê de.
Sikirtêrê desteya siyasî ya Hevbendiya Niştîmanî Enes Elebide got ku “Rûsiya xwe paşve dide li hember karûbarên biryara 2254 û nemaze ji benda ku têde daxwaz hatiye kirin bi lidarxistina danustandinan di navbera rêjîmê û opozisyonê de”, ev yek tê ji encama berdeawmiya rijdiya Rûsiya li ser bombebarankirina bajaran û encamdana komelkujiyan û armanckirina hêzên opozisiyonê bi awayekî rojane, û bikaranîna siyaseta dorpêçkirin û birçîkirinê ji aliyê rêjîma Esed ku bidehan kes dimirin ji birçîna.
Elebide amaje kir ku heta niha rêjîma Esed û hevalbendên xwe heryek ji Rûsiya û Ȋranê dest ji çareseriya leşkerî bernedane, û ne rijdin li ser çareseriya siyasî û beşdarîbûna civînên Viyêna û emzekirina wan li ser biryara 2254 bitenê ji bona qezenckirina dem û derfetê ye, û tekez kir ku Rûsiya astengiyan li pêş pêvajoya piroseya siyasî peyda dike.
Balyoza Amerîka di NY de Saminsa Por, şeva duhî roja duşemê, di miyanê civîna encûmena asayîşa navdewletî de ji bona guhdarîkirina pêşhatên dawiyê der barê Sûriyê, tekez kir ku rêjîma Esed 12 navçeyan dorpêç dike ji binyatê 15 navçeyên dorpêçkirî û got: “xuya dibe ku rêjîm guh nade wan wêneyên dilêş ku têde 35 kes bi kêmayî ji ber birçîbûnê mirine her ji destpêka heyva çile ve,tevî vê yekê ne rêjîm bi tenê herwiha DAȊŞ û hin girûpên çekdar bi heman şêwazî beşdariyê dikin”.
Por cext kir li ser giringiya ku hemû alî û nemaze rêjîm pabend bin bi sozên karê xwe ligor yasa mirovî ya navdewletî, û bilez rê bidin gihandina alîkariyên mirovî bo hemû pêwîstdarên Sûriyê bê merc û astengî, û hevdem bal kişand ku pêwîste NY û rêxistinên hawarhatinê bi gihandina alîkariyên mirovî bi awayekî ne berdewam razî nebin.
Dubare dupat kir ku nabe çareseriya siyasî hebûna rola Esed li xwe bigire, ji ber karîn li rex wî nemaye û rastgoyî di fermanrewiya gelê Sûriyê de ji dest daye, û balkişand ku girûpa navdewletî ya piştgiriya Sûriyê di Encûmena Ewlekariyê û di NY de piştgiriyek mezin pêşkêşkirine ji veguhestina siyasî re.
Herwiha tekez kir ku çareseriya siyasî wek hatî destnîşankirin di biryara 2254an ya Encûmena Ewlekariyê de, ew teke-rê ye bo danûstandina bi rewşa mirovî re li Sûriyê, û xwestina welatê xwe nîşan da li hember lidarxistina danustandinan di dema xwe ya destnîşankirî de di dawiya heyva rêbendanê de bê mercên pêşwext.
Jêder: Hevbendî – wekalat