Endamê Desteya Giştî ya Hevbendiya Niştimanî Xalid Elnasir got; Rûsya “dixwaze ew armancên nikarîbû wan di riya leşkerî re pêk bîne di rêkên diblomasî re cîbicî bike ”, bal kêşand ser pêşxeriya xwe ya” ko parek ji bizava wê ya herdem e ji bo lêzîvirandinê li çareseriya siyasî ya di daxuyaniya cinêvê de û biryara Encûmena Ewlekariyê hejmar 2118an ya ko doza avakirina Desteyeke Desthilatdara veguhêz bi hemû karînan dike.”
Got ko Rûsya dixwaze xwe ji bendên daxuyaniya Cinêvê vekêşe û dubare Esed bike parek ji çareseriyê, û ev mijar çareseriya siyasî tevî binpê dike, çimkî Esed û Rêjîma xwe bingeha arîşeyê ne û hîç nabe ko roleke wan di paşeroja Sûriyê de hebe.
Destnîşan kir ko Beşar Elesed 350 hezar sivîl kuştin û nîvê miletê Sûrî derbider kir, tekez kir ko divê cihê wî rawestana pêşberî dadgeha tawankariyên navdewletî be.
Got ko Rûsya eger navgîneke bêalî di operasiyona siyasî de be, gerek hêzên xwe ji Sûriyê vekêşîne û nema li rex rêjîmê be û ev yek li ser Îranê jî bi xurtir bicih dibe.
Li ser pêşinyara Rûsî ya danîna destûreke nû û hilbijartinên pêşwext, Elnasir diyar kir ko di rewşa Sûriyê ya nuha de û belavbûna miletê Sûrî di navbera Penagehiyê û bindestiya Rêjîma Esed de û tiroristiya Daiş ne mumkine ko kêrhatî be.
Her wiha tekez kir ko Rêjîma Esed bi danpêdana hêzên navdewletî ewî zemîna berhemdana tiroristiyê amade kir her wiha got; çi qonaxa veguhêz eger rêjîma Esed tê de be an hilbijartin di hebûna Esed de dê heman Rêjîmê berhem bide û heman pirsgirêk berdewam be.
Û li gora texmînên wî ji Civîna Viyena re roja şemiyê 14.11.2015an Elnasir got ku ew bawer nake tiştek pêk bê ko rê li ber çareseriya siyasî veke û daxwazên miletê Sûrî misoger bike. Li gora pîvana civînên Viyêna yên berê ko bêyî nûnerên gelê Sûrî çêbûn her wiha beşdarbûna Îran bê ko nerîna xwe di pejirandina daxuyaniya Cinêvê de bide û nevekêşana hêzên wê bêtir guman li ser serkeftina civînê çê dibin.
Jêder: Hevbendî
