Desteya danûstandinan ya Sûrî daxwaz ji Netewên Yekgirtî û rêkxistinên navdewletî kir ji bo têwerdaneke lezgîn di kampa Ersal ya penaberên Sûrî li Libnanê de bike, û alîkariyê ji penaberan re pêşkêş bike, bi sedema rewşa wan ya aloz.
Çend endamên desteya danûatandinê ya Sûrî civîneke televizyonî ya girtî digel nûnerên Hevbendiya Niştimanî ya Sûrî li Libnanê Edulrehman Ekarî û birêveberê yek ji kampên Ersal û serokê komîta hevrêzkarî û ya şopandinê digel desthilata Libnanî Xalid Re’ed lidar xistin, û rewşa penaberên Sûrî li Kampa Eersal gotûbêj kirin.
Ekarî û Re’ed şiroveya rewşa penaberan li Ersal û Libnanê û pêdiviyên penaberan yên bilez kir, û bal kişand ser ko penaber di rewşeke aloz de dijîn, bi sedema pêlên sermê û nebûna alavên gerimkirinê.
Çend agir li kampa penaberan li Ersalê duh çêbûn, piştî ko kwîzekî gazê teqiya û wê hişt ko bi dehan kes ji nav wan 8 zarok bimirin û bi dehan birîndar bûn.
Endamê desteya danûstandinan Ebdulrehman Mistefa di hevdîtinê de tekez kir ko çareseriya bi tenê ji bo bidawîanîna derdê miletê Sûrî ewe ko veguhastina siyasî li Sûriyê misoger bibe bi cîbicîkirina biryarên navdewletî yên bi rewşa Sûriyê ve têkildar in.
Endamê desteyê Tariq Elkurdî diyar kir ko ew bi hêvî ye ko rêkxistinên Netewên Yekgirtî alîkariyên lezgîn ji bo penaberan pêşkêş bikin, û bal kêşand ser ko ewê rewşa penaberên Sûrî li Ersalê digel tîma netewên yekgirtî gotûbêj bikin ji bo bêtir alîkariyê pêşkêş bikin.
Jêder: Nivîsgeha Ragihandinê ya Hevbendiya Niştimanî
