Hêjî xwendingehên Xûta rojhilat ya nîzîkî Şamê li pêşiya xwendevan daxistî û girtîne bi sedema bombebarankirina navçeyê ji aliyê hêzên rijêma Bişar Esed û milîsên mezhebperist yên palpiştên wê.
Çalakvanên navçeyê gotin ku hêjî xwendingehên Xûta rojhilat daxistîne bi sedema berdewamiya êrîşên firokên şer yên rijêma Esed û Rûsiya li ser gund û bajar û bajarokên Xûta.
Tê zanîn ku her ji destpêka çiriya pêşiyê û ji aliyê rêveberiya perwerdeya Xûta rojhilat ve biryara daxistina xwendingehan hatibû standin, ji ber egera êrîşên li ser navçeyê, lê ku hêjî xwendingeh daxistîne ji ber germiya oparesyonên bombebarankirinê.
Hêjayê gotinê ye ku pênc xwendingeh li Hemoriyê li demekî pêştir li heyva borî hatibûn bombebarankirin, û ewjî xwendingehên Kefrbetna û Herista û Seqba û Rewda bûn, tevî bombebarankirina xwendingeha Cisrên ku têde hejmarek qutabî birîndar û heştê din hatibûn kuştin.
Herwiha ku navçeya Xûta ya ser bi gundewarê Şamê, her ji destpêka heyva borî ve, rastî oparesyonên esmanî yên dijwar ji aliyê hêzên Esed û hevalbendên wê dibe, û bûne sedemê hejmareke qurbaniyan û wêrankariyên mezin li xanî û avahiyên xelkê navçeyê.
Û fermandariya şoreşgeriya Şamê û gundewarê wê û her ji destpêka heyva borî ve, ji bo dîtina rewşa armanckirinz xwendingehan û piştî kuştina 8 qutabiyan û birîndarbûna hejmareke din, yekser daxwaznameyek dabû NY, ji bo “şandina şandeke lêkolînan derbarê armanckirina xwendingehan û pêrabûna bi erkên xwe yên yasayî û navdewletî“.
Hevdem ku navçe ji aliyê hêzên Esed û ji çar salan ve bi temamî dorpêç kiriye û têde rewşa mirovî bi carekî têkçûye bi sedema tinebûna kelupelên xwarinê û dermên, û berdewam navçe ji aliyê hêzên Rijêmê tê bombebarankirin, tevî ku ew dikeve li nav navçeyê “kêmkirina tundutîjiyê” ya ligor rêkeftinnameya li Astanayê li heyva êlûna borî hatibû emzekirin.
Jêder: Ofîsa Ragihandina Hevbendiya Niştimanî/ Wekalat
