Şanda desteya danûstandinên Sûrî bo New York, çend civînên giring li rex civînên komelgeha giştî ya Netewên Yekgirtî lidar dixîne, û giringiyê dide rawestandina dijminkariya berdewam ji hêla rêjîmê û piştgirên wê ve li ser sivîlên Sûriyê bi taybetî yên Idlibê, û ragihandina damezirandina komîta destûrê.
Endamê desteya danûstandinê û desteya siyasî ya Hevbendiya Niştimanî, Bedir Camûs, diyar kir ko şande ligel şandyarê navnetewî bo Sûriyê, Geir Pedersen, û şandyarê Emrîkî bo Sûriyê, James Jaffery, û wezîrê dewletê yê karûbarê derve yê Siûdî Adil Elcibêr civiya.
Camûs bal kêşand ser ko şandê behsa gumanên xwe yên derbarê pabendnebûna rêjîmê û piştgirên wê bi rawestandina amanckirina sivîlan û bargehên sivîl bi behaneya şerê tiroristiyê kir, û dibîne ko ew bi amanca astengkirina pirosesa siyasî ye, ya ji neçarî tevlî bûye, û hêjî pişta xwe bi çareseriya leşkerî girêdide.
Birêz Pedersen geşbîniya xwe ji liviandina dosya Sûrî re ya ko ev demeke dirêj e rawestiyabû diyar kir, û dibîne ko pêngava yekem ji pirosesa siyasî dest pê kir.
Birêz Jeffery tekez kir ko welatê wî dê heta jê bê kar bike, ji bo veguhastina siyasî cîbecî bibe, ya ko vegera penaberan dabîn dike, û aramî û hêminiyê pêk tîne , û got ku welatê wî berdewam e bo piştgiya karê desteya danûstandinê û pirosesa siyasî.
Û birêz Elcibêr tekez kir ko komîta destûrî dê dergehê pirosesa siyasî be, û got ku dê Siûdiyê berdewam be bo piştgiyia miletê Sûrî, û kar ji bo dabînkirina veguhastina siyasî bike.
Jêder: Ofîsa Ragihandinê ya Hevbendiya Niştimanî ya Sûrî
