Serokê Hevbendiya Niştimanî Hadî Elbehra û Şanda pêre civînek li gel Komeleya Koçberan û Yekîtiya Rojnamevanan û Tevgera Şoreşgerî duh sêşemê li bajarê Babê yê gundewarê Helebê li dar xist.
Û Şanda Hevbendiyê ji endamên Hevbendiyê: Ebdilbasit Ebdilletîf, Behcet Eletasî, Mihemed Qedah, Necîb Rehmûn û Basil Ginêm û ji ber Hikûmeta Sûrî ya Demkî ve Wezîrê Darayî û Aboriyê D. Ebdilhekîm Elmisrî pêk dihat.
Û Serokê Hevbendiya Niştimanî Hadî Elbehra behsa pêşketinên dosya Sûriyê û piroseya siyasî û danûstandina civaka navdewletî pêre kir, û tekez kir ku ti berdêl ji guhertina siyasî li welêt û pêwîstiya cîbicîkirina biryara navdewletî 2254 re nîne, û bal kişand ser giringiya berdewamiya tevgera aştiyane ya serhildana Siwêda ya ku derbirîna daxwaz û hêviyên sûriyan dike.
Û Elbehra tekezî li ser giringiya çakkirina ketwarê xizmetguzariyê li deverên rizgarkirî û çarçovekirina karînan li deverê ji bo dabînkirina pêdawîstiyên niştecihan kir, û got ku ev yek bêyî dabînkirina çavkaniyên pêwîst ji bo piştevanîkirina bizavên Hikûmeta Demkî di cîbicîkirina planênê wê de çênabe, û amaje bi wê yekê kir ku pêwîst e giringî bi nifşê nû were dayîn, û ciwan beşdariyê di danîna planan de bikin û karên ku ji bo pêkanîna wan planan dibin ew bi xwe bişopînin
Û Elbehra tekez kir ku zêdetir ji 150 hezar girtiyên Sûrî di zindanên rijêma Esed de hene, divê em bi her awayî hewl bidin ku wan azad bikin û anî ziman ku rijêma Esed di mersûma lêborîna xwe ya dawî de, tawankar û kesên keresteyên hişber dikşînin serbest berdan, di heman dema ku girtîyên siyasî neketin ber wê lêborînê de, ev yek piştrast dike ku rijêm di siyaseta xwe ya li dijî hêviyên gelê Sûriyê di bidestxistina azadî û rûmetê û pêkanîna veguheztina siyasî berve sîstemeke hikumdariya demoqratîk ya li ser bingeha pirrengiya siyasî ava bûye de berdewam e, û cext kir ku guhertin di her civakê de ne karekî hêsan e. Ma dê çareserî çawa be bi rijêmeke dîktator re ku danpêdanê bi kêmtirîn mafên mirovan nake?
Û Elbehra bal kişand ser rola Sindoqa Qerzdanê di vejandina aborî û geşepêdana deverên rizgarkirî de, bi rêya fînansekirina projeyên ku ji aliyê Hikûmeta Demkî ve tên cîbicîkirin, ji ber ku Sindoq ji bo sivikkirina azarên gelê Sûriyê bi hemû hêza xwe, di riya piştgiriya sektorên perwerde û tenduristî, elektrîk, ava vexwarinê û ewlehiya xwarinê re, dixebite.
Ji aliyê xwe ve nûnerên komeleyan û çalakiyên civakî, ji nûnerên Hevbendiya Niştimanî re tekez kirin ku hevgirtina gelê Sûriyê li deverên rizgarkirî yên ku rijêma Esed bi dirêjiya salên bûrî welatî koçberî wan kirine, bi awayekî zelal xwiya ye, û behsa pêwîstiya veguhestina wêneya ketwarê ku sûrî têde dijîn bo cîhanê, û tekezî li ser pêwîstiya hevkarî û hevtemamkirinê di navbera saziyên şoreşê û çalakvanên rojnamevan û komeleyên koçberan de kirin, ji ber ku dabînkirina ewlehî, dadwerî û aramiyê li deverên rizgarkirî, bûye pêwîstiyek ji tevaya kartên siyasî, aborî û civakî re.
Jêder: Ofîsa Ragihandinê ya Hevbendiya Niştimanî ya Sûrî
