Serokê Hevbendiya Niştimanî ya Sûrî Hadî Elbehra û endamên Desteya Siyasî û Desteya Giştî, civînek li gel Encûmena Êl û Eşîran li bajarê Girê Sipî li gundewarê parêzgeha Reqayê li dar xistin, û bi şêx û mezinên deverê re civiyan.
Û Şanda Nûnerên Hevbendiyê, ji endamên Desteya Siyasî Ebdulehed Istêfo, Ebdulbasit Ebdulletîf û Mihemed Elî Îsa û Endamên Hevbendiyê Hisên Elre’ad, Mihemed Elhemdo, Mustefa Elhemîde û Amir Elbeşîr, her wiha Wezîrê Çandiniyê di Hikûmeta Sûrî ya Demkî de Hayil Elkeleş pêk dihat.
Û ketwarê xizmetguzariyên ku li bajêr ji welatiyan re pêşkêş bûne berçav kirin, û rewşa ewlehî û rola Artêşa Niştimanî û rola polîsên leşkerî di dabînkirina ewlehiyê de hate gotûbêjkirin.
Û Nûnerên Hevbendiyê cextî li ser giringiya berdewamiya hevgirtinê di navbera pêkhatên civakê de û miqatebûna li aştiya di nav xelkê de û çareserkirina pirsgirêkên ku niştecihên bajêr rastî wan tên, kirin.
Û Serokê Hevbendiya Niştimanî Hadî Elbehra, li ser pêwîstiya gihiştina çareseriyên kartêker û bilez ji astengiyên ku li deverên rizgarkirî li rojhilatê Ferêt derdikevin û giringiya pêkanîna pêwendiyan li gel rêxistinên navdewletî yên hewarhatinê û yên mirovî ji bo derbasbûna bajarên Girê Sipî û Serê Kaniyê, axivî.
Û Serokê Encûmena Eşîran li bajarê Girê Sipî Mustefa Elxelef, behsa pirsgirêka nebûna piştgiriyê ji sektora çandiniyê û hinartina berhemên çandiniyê re kir, û ji Hevbendiya Niştimanî û Hikûmeta Demkî xwest ku çareseriyê ji pirsgirêkên sektora çandiniyê re bibînin, nemaze derbarê hinartina berhemên çandiniyê yan jî kêmkirina baca li ser hinardekirina berhemên çandiniyê.
Û tekezî li ser yekkirina nirxê firotina genim, û dîtina rêyekê ji bo kirîna genim ji deverên Girê Sipî û Serê Kaniyê li şûna kirîna ji derve, kir.
Jêder: Ofîsa Ragihandinê ya Hevbendiya Niştimanî ya Sûrî
