Serokê Hevbendiya Niştimanî Hadî Elbehra û şanda pêre duh sêşemê, civînek li gel Encûmena Rûspî û Şoreşgerên bajarê Babê li gundewarê Helebê li dar xist.
Û Şanda Hevbendiyê ji endamên Hevbendiyê: Behcet Eletasî, Ebdilbasit Ebdilletîf, Mihemed Qedah, Necîb Rehmûn, Basil Ginêm û Wezîrê Darayî û Aboriyê di Hikûmeta Demkî de D. Ebdilhekîm Elmisrî pêk dihat.
Û Serokê Hevbendiya Niştimanî tekez kir ku hîn rijêma Esed di heman siyasetên kuştin û wêrankirinê û rêbaza tawankarî ji 12 salan de berdewam e, nemaze piştî têkçûna aboriya welat û wêranbûna saziyên dewletê ji ber zêdebûna torên gendeliyê yên ku bi serokê rijêmê û malbata wî ve girêdayî ne, ku hiştine rijêm tenê mîna milîs û desthilateke defakto bimîne.
Û Elbehra cextî li ser giringiya tevgera sivîl li Siwêdayê kir, ya ji berî çend mehan de di riya hebûna domdar li qada Elkerame û daxwazkirina guhertina siyasî û cîbicîkirina biryara 2254 berdewam e, û Serokê Hevbendiyê got ku divê ev rewşa şoreşgerî bighêje tevaya deverên Sûrî, ji ber ku rijêmê rewaya xwe û şiyana jiyan û nûavakirinê ji dest daye û îro Sûriya hewcedar e ku nerazîbûn û hêrsa gel bibe tevgereke cemawerî ya giştî, weke pêngaveke dawî ji bo ku vê rijêmê berve dana mafên ku bi salane jê direve de bajo, û Sûriyê deynin ser rêya pêşeroja geş ya ku Sûrî hêjayî wê ne.
Û Şanda Hevbendiyê ji Encûmena Rûspî û Şoreşgerên Babê re ketwarê pêvajoya siyasî ya Sûrî berçav kir, û li gel wan giringiya veguheztina ber bi rewşa rêxistinkirî ji bo pêşxistina bajarê Babê û tevaya deverên rizgarkirî gengeşe kir.
Ji aliyê xwe ve, Encûmena Rûspî û Şoreşgerên Babê, tekezî tekezî li ser pêwîstiya hevrêzkariyê li gel Hevbendiyê û saziyên girêdayî wê û desteyên sivîl li deverê û karkirina li ser gihandina dengê xelkê bo civînên navdewletî kir.
Û ev hevdîtina bi Encûmena Rûspî û Şoreşgerên Babê re, di çarçoveya gera ku serokê Hevbendiya Niştimanî û şanda pêre bo hejmarek ji deverên bakurê Sûriyê pê radibe de ye, ji bo gotûbêjkirina rewşa deverên rizgarkirî û pêşketinên di dosyaya Sûriyê de.
Jêder: Ofîsa Ragihandinê ya Hevbendiya Niştimanî ya Sûrî
