Duhî roja çarşemê, şanda Hevbendiya Niştimanî ya hêzên şoreş û rikberiya Sûriyê, geşta xwe ya ewropî bidawî kir, û di geşta xwe de Hevbendiyê tekez kir ku pêwîst e yekîtiya ewropî bi awayekî kartêker beşdar bibe di bidawîkirina tarejêdiyên gelê Sûriyê û dîtina çareseriyek siyasî, û parastina piroseya siyasî bi rêka rizgarkirina rêkeftina Rawestandina Karên Dijminkariyê.
Û şanda Hevbendiyê ya bi serokatiya Enes Ele’bide gelek hevdîtin pêk anîn û di serî de hevdîtina digel nûnera bilind ya siyaseta derve ya ewropa bi “Fîdirîka Morgirînê” re, ku di wê hevdîtinê de dawîtirîn pêşhatên pirosêsa siyasî û qedexekirina rêjîma Esed ji derbaskirina alîkariyan re ji bo navçeyên dorpêçkirî û berdewamiya armanckirina sivîlan û navendên giştî û yên saxlemiyê û redkirina serbestberdana girtiyan hatin behskirin.
Şanda Hevbendiyê di hevdîtinên xwe daxwaza piştgiriyê ji hikûmeta demkî re kir, ya ku wê karê xwe terxan bike bo xuzmetgozariya xelkê Sûriyê di navçeyên rizgarkirî de, herwiha cext li ser wê yekê kir ku wê karê hikumetê xizmetgozarî û cêbicêkirin be, bê ku partaytî ya siyasî be, herwuha wê hikûmetek be bo tevahiya xelkê Sûriyê û bo hemû şiyan û behreyan.
Herwiha şandeyê di gera xwe ya li ewropa cext li ser giringiya ku NY bi gihandina alîkariyên mirovî bo sercem navçeyên dorpêçkirî rabe kir, ligor daxuyaniya dawiyê ya girûpa navdewletî ya piştgiriya Sûriyê (ISSG), ku têde hatiye ku alîkarî wê bi firokan bêne avêtin eger rêjîma Esed berdewam be di qedexekirina gihandina alîjariyan bo navçeyên dorpêç dike, û ev yek ji bona amadekariyên rakirina dorpêçkirinê ye li ser hemû navçeyên dorpêçkirî.
Şanda Hevbendiyê di geşta xwe de yekîtiya ewropî han da li ser guhdanê bide doseya girtiyên Sûriyê, û xistina pirsa girtiyan di rojevê de bi awayekî bêhtir di kombûnên navdewletî de, herwiha guvaştinan bêxin li ser rêjîma esed ji bo rawestandina kiryarên sêdaredanê yên bi şêweyek stemkarî dibin, û deranîna fermanên neheq li pêş dadgehên awarte, û herwiha rawestandina veguhestina sivîlan bo dadgehkirinê li pêş dadgehên serbazî.
Şanda Hevbendiyê bal kişand ku derengxistina fayîlê girtiyan wê bibe sedema gefê li ser jiyana bi dehhezarên girtiyan, yên ku rojane jiyana xwe jidest didin bi sedema derengxistina karê cidî bo dîtina çareseriyekê ji rewşa wan re.
Di dawiyê de Hevbendiyê sipasiya Ewropa kir li ser piştgiriya wê li mawê pênc salan ji gelê Sûriyê re, bi taybetî li ser astê mirovî û li ser hemû awayên piştgiriyê yên din, hevdem hêvî xwest ev piştgirî berdewam be.
Hêjayê gotinê ye ku şanda Hevbendiyê gelek hevdîtin pêkanîn bi berpirsên dezgehên karubarên derve yên Yekîtiya Ewropî re, ku çavpêketin digel cîgirê sikirtêrê giştî “Hîlga şimêd” kir, her weha digel rêveberê kargêriya rojhilata navîn û bakurê Afrîqa “Nîk Wîtskot”, û herwiha digel nûnerên hemû dewletên endam di yekîtiya ewropî de civiya.
Herwiha hevdîtinek digel parlemantoya Ewropî re bi serokatiya partiya gelê ewropa “Manfirîd Wîber” re û bi serikê firaksyona sosyalistan re “Cîanî Bêtîla” re kir, herwiha ku gotubêjek berferh encan da digel serikê komîteya karubarên derve “Almar Birok”, û bi hejmarek ji endamên komîteyê re. Û bi nivîsîngeha wezîrê derve yê Beljîka re hevdîtinek hat encandan, û digel serokê girûpa kirîzên navdewletî ” Can Marî ghîno” re hevdîtinek hat pêkanîn û geşta xwe bi hevdîtina digel çend berpirsên komsyona ewropî bidawî kir.
Jêder: Hevbendî
