Şandek ji Hevbendiya Niştimanî ya Sûrî û Desteya Danûstandinê ya Sûrî, hevdîtinek li gel Cîgirê Nûnerê Emrîka li bal Netewên Yekbûyî Richard Mills li dar xist, û pêre behsa pêşhatên rewşa meydanî û pirosesa siyasî kirin.
Û Şande ji Serokê Hevbendiya Niştimanî ya Sûrî Salim Elmislit û Serokê Desteya Danûstandinê Bedir Camûs û Serokê Hevbeş yê Komîteya Destûrî ya Sûrî Hadî Elbehra û endama Desteya Danûstandinê Fedwa Elicêlî pêk hatin.
Û civînê giringî da pêwîstiya kartêkerkirina pirosesa siyasî û cîbicîkirina biryara 2254 ya Encûmena Ewlekariyê ya Navdewletî bi awayekî tam ji bo gihiştina veguhestineke siyasî ya rasteqîne li welêt û rabûna bi tiştên ku tê xwestin daku fişaran li ser rijêmê bisepînin.
Û Şandeyê Hevbendiya Niştimanî û Desteya Danûstandinan tekezî li ser giringiya berdewamiya sizayên li ser rijêma Esed di çarçoveya sizayên Qeyser de, û nehêlana çi hewldanê bo normalkirina têkliyan bi rijêmê re an biserxistina wê kir, û cextî kir ku sistibûna danûstandina navdewletî li gel rijêma Esed, bû sedema derbasbûna Îranê bo deverê û zêdegaviyên Botîn di dijminkariya li ser Okranya de.
Û Şandeyê behsa pêwîstiya kartêkerkirina rêya lêpirsîn û sizakirinê û xebata li ser dosya serbestberdana girtiyan û ya binçavkiriyên kotekî di zîndanên rijêma Esed de û misogerkirina gihandina alîkariyên mirovî bo hewcedarên Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
