Şandek ji Desteya Bala ya danûstandinan bi serokatiya hevrêzkarê giştî Riyad Hicab li Parîsê li civîneke “hevalbendên Sûriyê” li ser asta wezîran îro duşembê li ser vexwendina Firensa amade dibe.
Civîn ji wezîrên derve yên Firensa, Qeter, Îmarat, Urdun û Tirkiyê pêk tê. Wezîra karûbarê derve û ewlekariya Yekîtiya Ewropî Fîdîrîka Mogîrînî li gora daxuyaniyeke rojnamevanî ko îro ji Yekîtiya Ewropî derçûye dê beşdar bibe.
Hatiya biryardan ko wê îro êvarî wezîrê karûbarê derve yê Emerîkî Con Kêrî bi civîngêran re amade bibe. Her wiha bendewar in ko wezîrên derve yên Birîtanya, Îtalya, Elmanya jî amade bibin da rewşa Sûriyê û dawîtirîn pêşkevtinên danûstandinên Cinêvê gengeşe bikin.
Hicab berî gotûbêjên Berlînê digel wezîrên derve yê Elmanî û Firensî, hefteya darbasbûyî, diyar kiribû ko danûsitendinên Cinêvê yên ji bo Sûriyê, bi sedema serhişkiya Rêjîma Esed û redkirina gengeşekirina Desteya Desthilatdariya veguhêz ya ko di daxuyaniya Cinêvê û biryara Encûmena Ewlekaruiyê 2254 de hatibû, gihan rêkeke girtî.
Hicab got “libal me em tucaran kêşeya desthilateke berfireh an veguhêz li gora Rêjîma Esed dibêje napejirînin.” Tekez kir ko çi çareseriya siyasî bi hebûna Esed re li Sûriyê nîn e, divê bi biryarên navdewletî pabend bin bi damezirandina Desteya Desthilatdara veguhêz bi hemû karûbarên cîbicîkirinê ko cihê Esed û peyayên wî, ên ko destên wan bi xwîna miletê Sûrî sor bûne tê de tune be.
Hicab doz kir ko li hemû deverên Sûriyê agirbest pêk bê, û ne tenê bi peymanên demkî li hin derveran wek ko nuha dibe.
Opozisyon destpêşxeriyeke nû dixwaze ko planeke demdiyar ji bo veguhêza siyasî bê danîn” bêyî hebûna Esed û simbolên rêjîma wî têde hebin”.
Jêder: Acans
