Şandek ji Hevbendiya Niştimanî ya Sûrî bi serokatiya Serokê Hevbendiyê Salim Elmislit, serdana encumena Êl û Hozên Sûrê li bajarê Girê Sipî li gundewarê Reqayê kir.
Û Şand ji Sekretêrê Desteya Siyasî Ebdilmejîd Berekat û Endamên Hevbendiya Niştimanî Ebdilbasit Ebdilletîf, Mihemed Welî, Mihemed Elî Îsa, Yasir Elferhan, Husên Elebdellah, Ebdellah Elmihemed Elferec, Îbrahîm Serdar Elmilî, Hemîde Elteherî, û Cîgirê Serokê Kombenda Serbixweyên Kurdên Sûrî Redîf Mustefa û Cîgirê Wezîrê Rêvebiriya Xwecihî Seed Şiwêş pêk dihat.
Û Elmislit li ser pêşketinên pirosesa siyasî û êrîşkariya Rûsiya ya niha li ser Okranya dibe û derfetên guherîna rewşê li Sûriyê axivî.
Û Elmislit tekezî li ser pêwîstiya yekîtiyê û amadehiya baş bo rûbirûbûna tevaya astengiyên ku rastî şoreşa Sûrî tên, û karê bi hev re ji bo pêkanîna daxwazên gelê Sûrî, kir.
Û li ser karê Hevbendiya Niştimanî û bizavên wê ji bo çakkirina ketwarê jiyanê li deverê û hilanîna tevaya rêgiriyên ku astengiyê dixin riya pêşdeçûna deverê axivî.
Û cext kir ku Hevbendiya Niştimanî giringiyeke mezin dide deverê û ji bo wê Komîteya Cezîrê û Ferat kartêker kir, ji bo ku kar li ser pêwendiya berdewam li gel xelkê deverê bike û li daxwaz û pêdviyên xelkê deverê guhdarî bike.
Jêder: Ofîsa Ragihandinê ya Hevbendiya Niştimanî ya Sûrî
