Şandek ji Hevbendiya Niştimanî ya Sûrî bi Serokatiya Serokê Hevbendiyê Salim Elmislit, serdana bajarê Elraî li gundewarê Helebê kir, û bi rûsipiyên bajêr û serkirdeyên Artêşa Niştimanî ya Sûrî û çalakvanên sivîl ên di warê çandî û civakî de û şêxên êlan re civiya, û ji bo çakkirina ketwarê jiyanê li deverê li pirsgirêk û daxwaz û astengiyên ku rastî wan tên guhdarî kir.
Û Şandeyê Hevbendiyê ji Cîgirê Serokê Hevbendiyê Ebdilhekîm Beşar û Endamên Hevbendiyê Eymen Elasimî, Ehmed Tu’imê û Necîb Rehmûn pêk hat.
Û Serokê Hevbendiya Niştimanî vexwendina Êla Elmecadime pejirand, û li ser dawîtirîn pêşhatên siyasî û meydanî li Sûriyê axivî, û cext kir ku tevaya hewldanên biserxistina rijêma Esed bi ser neketin, û ku çareya tenha li welêt di pêkanîna veguhastina siyasî ya tam de ye, ya hêviyên gelê Sûriyê di azadî û rûmet û demoqrasiyê de pêk bîne.
Û Elmislit tekezî li ser giringiya hevgirtina civakî di vê qonaxê de û zêdekirina hevkarî û hevrêziyê li gel saziyên şoreşa Sûriyê kir.
Û Şandeyê Hevbendiya Niştimanî serdana dergehê bajarê Elraî kir, û li rewşa birêvebirina kar têde temaşe kir, û bi gerekê li ser beş û ofîsan rabû, û berpirsên dergeh li ser kar han dan bo çakkirina xizmetguzariyên ku ji sûriyan re pêşkêş dibin.
Jêder: Ofîsa Ragihandinê ya Hevbendiya Niştimanî ya Sûrî
