Şandek ji Hevbendiya Niştimanî ya Sûrî û Desteya Danûstandinê ya Sûrî hevdîtinek li gel Emîndarê Giştî yê Netewên Yekbûyî António Guterres li dar xist, û pêre pêşhatên rewşa meydanî û mirovahî û pirosesa siyasî ya rawestiyayî ji ber redkirina Esed ku bi awayekî cidî tevlê bibe daku veguhestina siyasî ya tam li Sûriyê pêk were gotûbêj kirin.
Şandeyê Hevbeş ji Serokê Hevbendiya Niştimanî ya Sûrî Salim Elmislit û Serokê Desteya Danûstandinê Bedir Camûs û Serokê Hevbeş yê Komîteya Destûrî ya Sûrî Hadî Elbehra û Serokê Hikûmeta Sûrî ya Demkî Ebdilrihman Mustefa û Herdû Endamên Desteya Danûstandinê Îbrahîm Biro û Fedwa Elicêlî pêk hat.
Û di civînê de Şanderê Navnetewî yê taybet bo Sûriyê Geir Otto Pedersen amade bû, û di axaftinên xwe de giringî dan kartêkerkirina pirosesa siyasî û vekirina tevaya rêyên di biryara 2254 de hatine, û nehêlin ku rijêma Esed berepêkan bide an riya danûstandinê asteng bike, her weha giringiya lipaşxwehiştina rola neyênî ya Rûsya.
Û amadebûyan behsa pirojeya Şanderê Navnetewî Geir Pedersen “Gav bi Gavê” kirin, û tekezî li ser pêwîstiya danîna nerîneke zelal bo vê pirojeyê kirin, daku li gorî biryarên navdewletî yên taybet bi karûbarê Sûriyê be, yên ku gewhera wan pêkanîna veguhestina siyasî ya rasteqîn li welêt e, û her weha behsa “saxlembûna Zû” û giringiya ku tevaya sûriyan li xwe bigire û nemaze deverên rizgarkirî kirin.
Û amadebûyan tekezî li ser giringiya nûjenkirina biryara derbaskirina alîkariyên mirovî di riya xalên sînorî re û guhdana bi doseyên hînkirin û tenduristiyê û dozên penaberan, her weha karê li ser serbestberdana girtiyan û diyarkirina çarenûsa binçavkiriyên kotekî yên di zîndanên rijêma Esed de kirin.
Jêder: Ofîsa Ragihandinê ya Hevbendiya Niştimanî ya Sûrî