Şandek ji Hevbendiya Niştimanî ya Sûrî û Desteya Danûstandinê ya Sûrî, li gel Şandeyê Navdewletî yê Taybet Bo Sûriyê Geir Pedersen civiya, û pêre pêşhatên rewşa meydanî û siyasî li Sûriyê li rex karên xola 77 ya civatên Komeleya Giştî ya Netewên Yekbûyî li New Yorkê gotûbêj kirin.
Û Şandeyê tekezî li ser giringiya kartêkerkirina proseya siyasî û vekirina hemû rêyên ku di biryara 2254 de hatine ji bo bidawîkirina kêşeya siyasî ya ku ji aliyê rijêma Esed û alîgirên wê ve pûç bûye kir.
Û bal kişand ser giringiya berdewamiya fişaran li ser Rûsya û rijêma Esed ji bo temamkirina civînên Komîteya Destûrî ya Sûrî û nehiştina hewlên têkdana proseya siyasî û derxistina wê ji riya wê.
Û şandeyê daxwaza şiroveyeke berfirehtir û hûrbîn derbarê pêşniyara Gav bi Gavê kir, û tekez kir ku ew pêşniyar hîn ne zelal e, û got ku hatina rijêmê bo Cinêvê daku beşdariyê di proseya destûrî de bike ne gavek e, lê divê ew bi awayekî rasteqîn tevlî gotûbêjkirina dozên destûrî û pêşxistina wan de bibe.
Û tekezî li ser pêwîstiya xebatê bo kartêkerkirina proseya berpirsiyariyê û sizakirinê û dîtina mîkanîzmeke navdewletî bo serbestberdana girtiyan û eşkerekirina çarenivîsa kesên bi darê zorê di zindanên rijêma Esed de winda bûne kir.
Jêder: Ofîsa Ragihandinê ya Hevbendiya Niştimanî ya Sûrî
