Şandeka opozisyona sûriyê li Jinêv roja înê êvarî (24’ê reşemehê) hevdîtinek ligel nûnerên dewletên dostên gelê Sûriyê, ji bo ravekirina bijaredeyên piroseya gotubêjan û veguhestina siyasî li Sûriyê pêkanî.
Serokê şandê û cîgirê rêxerê giştî yê desteya bilind ya danustandinan Yihiya Qedemanî supasiya wan kir û destxweşî li piştgiriya welatên dost ya berdewam ji şanda danustandinkar û her weha li piştgiriya wan ji mafên gelê Sûriyê ji bo bidestxistina rûmet û azadiya xwe re kir.
Serokê şanda danustandinkar Nesir Elherîrî jî di hevdîtinê de tekez kir ku opozisyon amade ye bi her awayî dest bi danustandinên rijd û rasteqîn yên ji bona pêkanîna veguhestina siyasî ya ligor deq û tekestên biryarên navdewletî ne bike.
Elherîrî diyar kir ku hevdîtina şanda opozisyonê ya ligel şanderê navdewletî Dî Mestora erênî bû, û bal kişand ku wan jêre pêşniyarên zelal û destnîşankirî pêkêşkêş kirin.
Û şanda opozisyonê belgeyek li ser rêşûnên taybet derbarê piroseya danûstandinan ji Dî Mestora wergirtibû, û wê bersiv li ser bête dan di roja duşema bê de.
Ji aliyê xwe ve, nûnerên dewletên dost destxweşî li bersiva şanda opozisyonê ya erênî ya ligel pêvajoya piroseya siyasî kirin, hevdem cext li ser giringiya berdewamiya danûstandina opozisyinê ya erênî ligel piroseya danustandinan ya ku Rijêm hewl dide kosp û astengiyan têxe li pêşiya berdewamiya wê de kirin, û tekez kirin ku ew piştgirên serekî ne ji bo piroseya veguhestina siyasî li Sûriyê.
Jêder: Ofîsa Ragihandina Hevbendiya Niştimanî
