Şanda Desteya Danûstandinê ya Sûrî bi Serokatiya Serokê Desteyê Bedir Cemûs, pêncşemê êvarî, bi Nûnerê Taybet ê Netewên Yekbûyî bo Sûriyê Geir Pedersen re civiya, û pêre behsa çawaniya cîbicîkirina daxwiyaniya Cinêvê û biryarên 2118 û 2254 kir.
Û amadebûyan dawîtirîn pêşketinên piroseya siyasî gengeşe kirin, û Şanda Desteyê cextî li ser metirsiya berdewamiya astengkirina rijêmê ji pirosesa siyasî re kir, û daxwaz ji Netewên Yekbûyî kir ku bi erkên xwe derbarê tiştên ku li Sûriyê çêdibin rabe.
Û Serokê Desteyê ji Nûnerê Netewên Yekbûyî re tekezî li ser pêwîstiya vegera li Encûmena Ewlekariyê ji bo cîbicîkirina biryara 2254 û berpirsyarkirina rijêmê di ber xirabûna rewşa Sûriyê di hemû waran de kir.
Û cext kir ku dozên penaberan, hejarî, gendelî, teror û bêserûberî bêyî cîbicîkirina çareseriyeke dadmend li ser bingeha rewatiya navdewletî û biryarên girêdayî pirsa Sûriyê nayên çareserkirin.
Jêder: Ofîsa Ragihandinê ya Hevbendiya Niştimanî ya Sûrî
