Şandeke Hevbendiya Niştimanî ya Hêzên Şoreşê û Rikberiya Sûrî serdana nûnerê wezareta derve ya Tirkî li Hatay balyoz Serdar Cengîz kir, û digel wî rewşa Sûriyan li herêmê û awayê çakkirina xizmetên bo wan têne pêşkêşkirin gotûbêj kirin.
Şanda Hevbendiya Niştimanî bi serokatiya hevrêzkarê ofêsa penaberan birêz Mihemed Yihya Mektebî bû, digel endamê Hevbendiyê birêz Fatih Hesûn û nûnerê Hevbendiya Niştimanî li Hatayî endazyar Ednan Elşixrî.
Şanda Hevbendiyê arîşeyên revenda Sûrî li Hatay û pêdiviyên wan yên bingehîn û aloziyên ko karê dezgehên xizmetkariyê asteng dikin pêşdîtin kirin, şandê hin pêşinyar û çareseriyên wan pirsgirêkan pêşkêş kirin.
Şande li ser derdê koçber û derbiderên herêmên rizgarkirî û kampên sînorî li gel sînorê Tirkiyê û bi taybetî ko werz zivistan e gotûbêj kirin, û gotin ku pêdiviya vê mijarê bi dabînkirina dewlet û rêkxistinên têkildar bi rengek bilez ji hewcedariyên bingehîn re, û xweamadekirina bi şêweyekî baş ji çi pêla sermayê re.
Şanda Hevbendiya Niştimanî spasiya balyoz û miletê Tirkî kir, ko berdewam piştgiriya miletê Sûrî û kêşeya wî ya rewa bo azadî û rûmetê dike.
Jêder: Ofêsa Ragehandinê ya Hevbendiya Niştimanî
