Şandeya Opozisyona Sûrî, ya ku serokê hevbendiya Niştimanî Enes Alabda tê de beşdar e, hevdîtin bi hejmarek ji serkirdeyên cîhanê re li New York’ê pêk anîn, li perawîza xola 71emîn ya komeleya Giştî Ya Netewên yekbûyî, şandeyê daxwaza dabînkirina parastina sivîlan kir, Her weha rêgirtina li pêşiya Esed da berdewamiyê di koçberkirina kotekî ji sivîlan re û guhetina demografî nema bike.
Û di hevdîtina şandeyê bi serokê Ferensî Firanswa Holand re, doh êvarî, Alabda diyar kir ku Rêjîm û hevalbendên wê pabendiyê bi biryarên navdewletî nakin, û tewanên cengê û yên dijî mirovahiyê der mafê gelê sûriyê pêk tînin.
Û hevrêzkarê giştî yê Desteya Bilind Ya Danûstandinan Riyad Hicab, daxwaza roleke mezintir ji ferensayê kir, di warê dabînkirina parastina Sivîlên sûriyê de, piştî sûrbûna Rêjîmê û hevalbendên wê li ser dorpêçkirina Heleb û Mi’edemiyê û Taxa Alwa’ir li Himsê û deverin din jî. Û di heman demê de dilxweşya xwe diyar kir ji rola ferensa ya piştgiriya nerîna di 7/9/2016 li Londonê hat pêşkêşkirin, her weha spasiya daxwaza Firensa ya sizakirina Esed û hevalbendên wî li ser tewanên dijî sivîlan kirine kir.
Û Hicab ji serokê Ferensayê re got ku Artêşa Sûrî ya Azad bi pisporiyeke bilind şerê DAIŞa terorîst li Cerablos û gundewarê Helebê dike, û ew e ya” kare, û ji dil dijîtiya terorê dike û berevaniyê di ber bijardeyên gelê Sûriyê de dike”.
Û serok Holand jî ji hêla xwe ve , tekezî li ser piştgiriya welatê xwe ji Opozisyona Sûrî û pirogramê wê yê siyasî re kir, û tekez kir ku helwesta Ferensa derbarê piştgiriya Sûriyan ji bo avakirina dewleta wan ya demoqrat neguhêr e.
Û di heman pêvajoyê de, şandeya Opozisyona Sûrî, hevdîtin bi wezîrê derve yê danîmarkê Kirîstan Yansin re li New York’ê kir, û pêre mijara nerîna desteya Bilind ya Danûstandinan û qonaxa veguhêz û Sûriya paşerojê behis kirin, û şandeyê tekez kir ku” mîkanîzma garantiya karê desteya hukumraniya veguhêz ya bi tevaya desthilatên cîbecîkirinê di wê Nerînê de heye, û bi koçkirina Beşar û bendeka wî ya destên wan bi xwîna Sûriyan bûyr, dest pê dike”.
Her weha Şande bi wezîrê karê derve yê Keneda Stîvan Diyon re civiya, û jê xwest ku welatê wî karê xwe di doseya Sûriyê de karatir bike, û ” giringiya ku berpirsyariya binpêkirinan têkeve stuyê kesên ku ew binpêkirin kirine de”.
Û ji hêla xwe ve, wezîrê karê derve yê Kenedî, razîbûna hikûmeta xwe ji” Nerîna siyasî û nexşerêya pirosesa siyasî, ya ku Desteya Bikind Ya Danûstandinan ragihandiye” diyar kir.
Jêder: Hevbendî
