Şandek ji Hevbendiya Niştimanî bi Serokatiya Serokê Hevbendiyê Salim Elmislit, bi serdaneke meydanî bo devera Efrînê rabû, û di heyama serdanê de hevdîtinek bi encumena xwecihî û berpirsên ofîsên xizmetguzarî, tenduristî û hînkirinê, her weha bi rûsipiyên deverê re li dar xist, û bi wan re behsa ketwarê xizmetguzarî û debara jiyanê û dawîtirîn pêşketinên siyasî û meydanî kir.
Û Şandeyê Hevbendiya Niştimanî yê li gel Serok ji Endamên Hevbendiya Niştimanî Eymen Elasimî, Ehmed Tu’ime û Necîb Rehmon û Atif Zirêq pêk hat, û ji aliyê encumenan ve Serokê Encumena Xwecihî yê bajarê Efrînê Mihemed Şêx Reşîd amade bû.
Û Şandeyê Hevbendiyê çawaniya dabînkirina pêdviyan û çareserkirina pirsgirêkên heyî li deverê û nemaze di warê avdan û ketwarê çandiniyê de û hewldana piştgiriya wê bi rêyên gengaz nemaze ku ev dever bi çandiniyê naskirî ye, gengeşe kir.
Û Şandeyê xizmetguzariyên ku encumena xwecihî pêşkêş dike di warê qîrkirina rêyan û avakirina piran de û karê li ser çakkirina jêrxaniya deverê û bilindkirina asta jiyanê bo welatiyan temaşe kir.
Û Şandeyê rewşa aborî ya dema niha ji aliyê lawaziya şiyanên darayî yên ku pêdviyên xerckirina encumen dabîn dike, û xizmetkariyên ji bona welatiyan pêşkêş dibin, nemaze piştî erdhejan û ziyana ku li malan bûye, gotûbêj kir.
Jêder: Ofîsa Ragihandinê ya Hevbendiya Niştimanî ya Sûrî
