Tora Sûrî ya Mafên Mirovan, di rapora xwe ya taybet bi girtinê de anî ziman ku wê di heyva bûrî de girtina 143 kesan di nav de 2 zarok û neh jin hebûn belge kiriye, û bal kişand ser ku hêzên rijêma Esed siyaseta tunebûna azadiya derbirînê diçespîne, û bi kiryarên peyketina kesên rexneyan li rewşa aborî ya xirab li deverên di bin kontirola rijêmê de dikin radibe.
Û rapora Tora Sûrî ya Mafên mirovan a duh înê derketiye, diyar kir ku di nav 143 girtiyan de 115 bûn binçavkiriyên kotekî, û raporê eşkere kir ku rijêmê 58 kes girtin, 2 jin di nav wan de hebûn, û 52 jê bûn Binçavkiriyên kotekî, û milîsên PYD 52 kes girtin, 2 zarok di nav wan de hebûn , 50 jê bûn binçavkiyên kotekî, û Heyet Tehrîr Elşam 7 kes girtin, 4 kes jê bûn binçavkiriyên kotekî.
Û raporê bal kişand ser ku girtiyên li bal rijêma Esed rastî şêweyên îşkencedana hovane tên, û di rewşeke tenduristî ya xirab de ne, û ti mercên saxlemiya tenduristî di wan girtîgehan de nayên dîtin.
Û raporê got ku ev kiryar wek tektîkekê ye û rijêm bi mebest û awayekî berfireh bikar tîne, bi armanca ku di riya wan azaran re girtiyan nexweş bike, û di dûv re wan piştguh dike daku ji ber êşê jiyana xwe ji dest bidin.
Û raporê hişyarî da ji zêdebûna metirsiya belevbûna bêtara Kovid 19, û bal kişand ser ku di rewşên gitinê yên hovane di navendên girtinê de , her gav amade ne ku vîrosa korona belav bibe. Û got ku ew rewşa xirab jiyana derdora 130 hezar kesên ku hîn di rewşa binçavkirinê an jî wendakirina kotekî de ne li bal rijêma Esed, dike bin gefan.
Û derbarê dabeşbûna girtiyên bi awayê kotekî binçav bûne di heyva adara 2021an de, li gorî parêzgehên sûrî, raporê bal kişand ser ku bêhtirê girtinan li parêzgeha Helebê ne, û piştere Reqayê, û pişt re gundewarê Şamê û li dawiyê Dêra Zorê tê.
Û Saziya Mafnasî ya Sûrî daxwaz ji Encûmena Ewlekariyê kir ku cîbicîkirina biryarên ji aliyê wê ve derketine bişopîne, wek biryara hejmar 2042 ya di 14 nîsana 2012 derketiye, û biryara 2043 yaku di 21 nîsana 2012yan de derketiye û biryara 2139 yaku di 22 sibata 2014an de derketiye, a tê de hatiye ku divê sînorek ji binçavkirina kotekî re bête danîn.
Jêder: Ofîsa Ragihandinê ya Hevbendiya Niştimanî ya Sûrî
