Tora Sûrî ya Mafên Mirovan, civîna Komîseriya Bilind ya Penaberan a Netewên Yekbûyî Fîlîpo Grandî li gel Wezîrê Navxwe yê rijêma Esed lîwa Mihemed Elrahmûn, yaku di 13ê vê mehê de hatiye lidarxistin şermezar kir, ji ber ku Elrehmûn beşdarî di tawanên dijî mirovahiyê û tawanên cengê de kiriye, û saziya mafnasî bal kişand ser ku hevdîtinên bi vî awayî ziyanê dighînin penaberên Sûrî.
Û Tora Mafnasî di rapora xwe de anî ziman ku Elrehmûn rêvebiriya dosya ewlehî ya rijêmê dike, û ew di lîsta sizayan ya ji aliyê Wezareta Xezîneyê ya Emrîkî di destpêka sala 2017an de bû, û navê wî di lîsta sizayên ku ji aliyê Birîtaniya ve di sala 2019an de derketiye hebû, û di destpêka sala 2019an de navê Elrehmûn derbasî lîsteya sizayan ya Ewropî bûye.
Û raporê got ku têkliya Elrehmûn a yekser bi pirograma çekên kîmawî ya rijêmê re heye, û ew berpirsê zincîrek ji fermanên girêdayî êrîşên bi çekên kîmawî li ser hejmarek ji deverên parêzgeha gundewarê Şamê bû, û nemaze komkujiya Elgota ya sala 2013.
Û raporê cext kir ku çi axaftina li ser vegera koçberên bi kotekî ji penaber û derbideran di dema mana rijêma Esed û amûrên wê yên ewlekariyê yên hov de di çarçoveya fişar û astengkirina jiyana penaberên Sûrî de tê, û ev fişar jî di çarçoveya vegerandina bi darê zorê de ye.
Û Tora Mafnasî daxwaza rawestandina hevdîtinên li gel kesên tevlî tawanên dijî mirovahiyê û tawanên cingê bûne ji Karsiparteya Bilind ya Karûberê Penaberan kir, wek rêzgirtinê ji hestê bimelyonan qurbanî ji penaberên Sûrî re, û ji Karsiparteya Bilind xwest ku di warê berevaniya di ber mafên wan penaberan de pêşeng be.
Jêder: Ofîsa Ragihandinê ya Hevbendiya Niştimanî ya Sûrî
