Endamê Hevbendiya Niştimanî Ya Hêzên Şoreş Û Rikberiya Sûriyê Corc Sebra, tekez kir ku tawanên rêjîma Esed û Melayên Îranê der heqê gelê Sûriyê, hêzên şoreşê di Danûstandinên Cinêvê de lawaz nakin û wan natewînin, lêbelê ew viyan û rijdbûna wan pirtir dikin der barê ruxandina Rêjîma Esed û bidestxistina azadî û rûmetê.
Û di hevdîdtinekê di gel serokomara Îranê ya ji aliyê Berxwedana Îranê ve hatiye helbijartin Meryem Recewî, li Parîs paytexta Ferensayê, Sebra da xuyakirin ku wî di peywendiyek telefonî de li gel Encumana Xwecihî ya Dareya ya dorpêçkirî, berî 3 salan, û tevlî hemî rewşa wan ya dijwar, wan tekezî dikirin ku divê em sistiyê di Danûstandinên bi rêjêmê re nekin û digotin:” bila bala we ne li ser me û dorpêça li dor me be, lê bi tiştê giringtir biramin ku ew jî Şoreş û çarenûsa gel e”.
Û sebra yê ku di pileya cîgirê serokê şanda Danûstandinên Cinêvê de ye, weha jî got:” bi dirêjahiya 4 salan hêzên Esed û hêzên Pasevanên Îranê û milîşyayên bi ser Rêjîma Îranê ve, bajarê dareya yê li nêzî Şamê ye, dorpêç kirine, û ji encama dorpêçkirinê û bombebarana berdewam, hejmara xelkên bajêr ji 400hezar kesî peya bû 8 hezaran, lê xelkên Dareya nehiştin bajarê wan têkeve destê dijmin de”.
Sebra tekez kir ku cenga gelê Sûriyê û ya gelê Îyranê her heman ceng e li dijî rêjîmên teror û kuştinê li Tehran û Şamê, û nirx û armancên kûr û hevbeş di nav Şoreşa gelê Sûriyê û Berxwedana Îranê de hene, ji ber ku dijminê me heman dijmin e, û cenga azadî û rûmetê her ew cenge.
Û sebra berdewam kir û got:” 50 salên têkoşîna Rêxistina Mucahidên Xelq ya Îranî û Berxwedana Îranî li dijî rêjîma Melayan, zengîn e bi ders û serpêhatî û pisporiyên bi sûde, û ew cihê rêzgirtin û bilinnirxandinê ne, di rûberûbûna herdû Rêjîmên diktator û ruxandina wan “.
Û bal kişand ser ku Beşar Esed û rêjîma Meleyan seranserî 5 salan, hemî cûreyên tawanan li djî gelê Sûeiyê pêk anîne, girtiyên zindanan kuştine, çekên Kîmawî û bermîlên teqîner li dijî kesên sivîl ên bêguneh bikar anîne, û ew derbider û bê cî û war li ber sermayê hiştine, û tekez kir ku ticarî gelê Sûriyê ala Sipî ji wan re bilin nake û çogê xwe ji wan re danayne erdê, lê wê têkoşîna xwe berdewam bike hata ku rêjîma beşar Esed birûxe, û got”Şoreşa Sûriyê heruher berê wê li pêş û serkeftinê ye, ew ticarî li paş xwe nazîvire”.
Û ji hêla xwe ve, xanim Recewî helwestên xurt yên Şoreşa Sûriyê derbarê diktatoriyeta Beşar Esed bilind nirxandin û got:” em wek Berxwedana Îranê , hexemên êş û azarên we ne, û serkeftinên we jî serkeftin in ji Gel û Berxwedana Îranê re, û em tê dighêjin çendî nirxê xweragiriya gelê Sûriyê û Şoreşa wan bilin de, û xweragiriya Heleba qehreman cihê serfiraziya mirovahiya hemdem tevî ye, û sîmbola berxwedaneke nayê jibîrkirin e, û rijdiyek li ser şikandina Diktatoriyê û stemkariyê ye, ji bo bidestxistina azadiyê”.
Û recewî bal kişand ser ku dema Berxwedana Îranê û Şoreşa Sûriyê pişta hev bigirin û di yek sengerî de rawestin, wê ruxandina herdû stemkarên Tehran û Şamê hêsantir bibe, û dibe cihê kêmkirina hejmara qurbaniyên herdû gelan.
Û xanim Recewî bal kişand ser şikestin û ziyanên mezin yên ku li Pasvanên Îranê û milîşiyayên bi ser wan ve li Helebê bûne, û tekez kir ku rêjîma Melayan di dijwartirîn qunaxên jiyana xwe de ye, û çarenûsa wî li pêşiya xweragiriya gelê Sûriyê wê têkşikestin û sertewandin be.
Jêder: Hevbendî
