Serokê Hevbendiya Niştimanî ya Hêzên Şoreşê û Rikberiya Sûriyê Riyad Sêf dîsa tekez kir ko giring e niştecihên Reqayê piştî rizgarkirina wê ji Daişa tirorist parêzgeha xwe birêve bibin, û got ku em hemû rêkxistinên terorist yên din red dikin.
Ew gotin duh duşembê di civîna serokê Hevbendiya Niştimanî û cîgirê serok Ebdulbasit Hemo û serokê komîta yasayî Heysem Elmalih û endamê desteya siyasî Selah Hemewî digel nûnerên çalkakvaniyên parêzgeha Reqayê di rêya Internetê de hat gotin.
Nûnerên parêgeha Reqayê rewşa nebaş ya sivîlan bi sedema operasiyonên leşkerî pêşdîtin kirin. Destnîşan kirin ko rengê danûstandina milîtanên Sûriya Dîmuqratî bi sivîlan re pir xerab e.
Cîgirê serokê Hevbendiya Niştimanî Ebdulbasit Hemo bal kêşand ser ko bizav pir hene ji hêla Hevbendiya Niştimanî û desthilata Sûrî ya demkî û yekîneya hevrêzkariyê ji bo hawarahatinê ji derbiderên ji parêzgehê derketine dabîn bikin.
Her weha serokê komîta yasayî daxwaz ji nûnerên çalakvaniyan kir ko hemû binpêkirinên derheqê xelkên Reqayê de dibin belgeh bikin, eger ji milîtanên Sûriya Dîmuqratê bin an ji hêla Hevpeymana navdewletî bin ko heta nuha hejmara qurbaniyan gihaye 1953 kesan, ji nav wan 1008 di sala 2017ê bi tenê de, li gora ko raportên toreya Sûriyê ya mafê mirovan gotiye.
Jêder: Nivîsgeha Ragihandinê ya Hevbendiya Niştimanî
