Serokê Hevbendiya Niştimanî ya Hêzên Şoreşê û Rikberiya Sûriyê Riyad Sêf, beşdarî kir di kongirê ko li ser daxwaza Encûmena bala ya hoz û êlên Erebî bû.
Kongir li jêr navê ‘’ Hoz û Êlên Sûrî dabînkerên yekîtiya tevna niştimanî ya Sûrî ne, û piştgirên aramî û vegera koçberan in, û‘’ Sêf di gotina xwe de tekez kir ko hoz û êlên Sûrî pareke resen in ji civaka Sûrî.
Her weha li ser rola hoz û êlan beraber rêkxistinên tirorist û milîtanên mezhebperest yên piştgiriya rêjîmê dikin tekez kir û got ku hozên Sûrî ji bo piştgiriya şoreşa Sûrî bi mal û can qurbanî danîne di ber pirinsîbên şoreşê de, ji bo koçkirina Beşar Elesed û simbolên wî û hîmên desthilatdariya wî û avakirina dewleteke sivîl ya dîmuqratî, bê gendelî û zordarî û tiroristî.
Sêf bal kêşand ser ko rêjîma Esed gava ket desthilatê, bi mebest kesayetiyên niştimanperwer ên payedar ji şêxên êlan ji rola wan di nav milet de bidûr xistin, ew bi amanca ko civakê bêserûber bike û binyadê wê yê civakî û sincîtî jihev bixe.
Û amaje bi tawankariyên milîtanên PYD derheqê lawên hoz û êlan kir, piştî ko parek ji xaka Sûrî kontrol kiriye, û got ew tawankarî dikevin asta tunekirinê û tawankariyên li dijî mirovatiyê.
Her weha serokê Hevbendiyê tekez kir ko Îran kar dike ji bo guherîna dîmugrafî li herêmê ko xelkê koçber dike an baweriyên wan diguhere, got ko Tehran dixwaze Sûriyê ji xwe re bibe wek Iraq û Yemen û Libnan li jêr dirûşma dijîtiya Sehyûniyetê.
Jêder: Nivîsgeha Ragihandinê ya Hevbendiya Niştimanî