Sekreterê giştî yê Hevbendiya Niştimanî ya hêzên şoreş û rikberiya Sûriyê, Abdul Basit Abdul Latif, û Serokê hikûmata demkî ya Sûrî Abdul Rahman Mistefa serdana baregeha Yekîneya Kordînasyon Û Piştgiriyê li bajarê Xazîentabê kirin, û bi serokê yekîneyê Mihemed Hesno re civiya, û digel wî karûbarên dawî û çalakiyên yekîneyê gotûbêj kirin.
Wî pêdeçûnek li ser kar û xebata yekîneyê û çalakiyên vê dawiyê û projeyên wê û workşopên ji bo xizmetkirina Sûriyan pêşkêş kir, tevî pirsgirêkên dikevin pêşiya yekîneyê û pêkanîna projeyên nû li herêmên rizgarkirî.
Sekreterê giştî û serokê hikûmata demkî serdana bajarê Rihayê yê Tirkiyê kirin, û hevdîtin ligel çalakvanên sivîl û yên leşkerî pêkanîn, tevî dîtina gelek pêkhatên Ereb, Turkmen û Kurdên devera rojhilat, û bi wan re li ser pêşhatên dawîn yên operesyona “Kaniya Aşitiyê” axivîn.
Sekreterê giştî Abdul Basit Abdul Latif nêrîna Hevbendiya Niştimanî û hikûmata demkî li ser rêvebirina navçeyê şirove kir, û tekez kir ku ev dîtin bi gelemperî bi rêveberiya herêmê ve ji aliyê xelkên wê ve girêdayî ye, tevî aktîvkirina dezgehên xizmetguzariyê û dabînkirina jiyanek bi rûmet û ewle.
Paş re diyalogek vekirî çêbû û têde ramanên girîng ji bo baştirkirina karûbarên li herêmê hatin pêşkêşkirin, û li ser berdewamiya danûstandin û hevrêzkariyê hate lihevkirin.
Jêder: Ofisa Ragihandina Hevbendiya Niştimanî Sûrî