Sekreterê giştî yê Hevbendiya Niştimanî ya hêzên şoreş û rikberiya Sûriyê, Abdul Basit Abdul Latif, û endamê desteya siyasî, Mihemed Salim Al-Xetîb, serdana nûnertiya Hevbendiya Niştimanî li Mersin kirin, û bi nûnerê Hevbendiya Niştimanî Fadî Ibrahîm re civiyan, û bi wî re rewşa Sûriyên li wir û giringtirîn pirsgirêkên wan gotûbêj kirin.
Her du aliyan pêşhatên dawîn yên li ser pirsa dana karta parastina demkî gotûbêj kirin, û Ibrahîm diyar kir ku kar berdewam e ji bo dana belgeyên rûniştina yasayî ji bo hemû Sûriyên li bajêr, di nav de kesên ku ji bajarê “Urfa” hatine.
Abdul Latif pesnê xebata nûnertiya Hevbendiya Niştimanî ya “Mersin” da, her weha têkiliyên wan ligel penaberên Sûrî bi awayekî berdewam û çareserkirina pirsgirêk û zehemtiyên wan bilind nirxandin.
Herweha Sekreterê giştî yê Komîteya Hecê, Abdul Basit Abdul Latif, û endamê komîta siyasî, Mihemed Salim Al-Xetib, civînek din ligel komek ji Heciyên Sûrî û serokên karwanên Hacê li bajarê Mersin pêkanîn û digel wan amadekariyên pêşîn yên bo hatina demsala Heca îsal gotûbêj kirin, û niyazên xwe ji bo serxistina rêveberiya Hacê wek her sal piştrast kirin.
Sekreterê giştî pişt re serdana hin projeyên xêrxwazî kir ku ji hêla Sûryên li bajêr hatine sazkirin, bi armanc pêşkêşkirina piştgirî û alîkariyan ji bo koçber û penaberan, wek “Mala Mêhvanan”, û Abdul Latif serbilindî û şanaziya xwe bi wan projeyan anî ziman, û tekezî li ser giringiya hevkarî û hevahengiyê di van demên zehmet de kir, heta ku miletê Sûriyê bigehêje maf û azadiya xwe.
Di heman demê de serdana nûnertiya Hevbendiya Niştimanî li Hatayê kirin, digel nûnerê Hevbendiyê li bajêr, Adnan Al-Şuxri, herweha ligel hin nûnerên civata Sûrî yên li bajêr hevdîtin pêk anîn, û mijarên balkêş ên Sûrî gotûbêj kirin, û sekertêrê giştî bal kişand ku divê nûnertiyên Hevbendiyê rabin bi şopandina karûbarên Sûriyan û pêşkêşkirina alîkariyan ji wan re ji bo çareserkirina pirsgirêkên wan yasayî.
Jêder: Ofisa Ragihandina Hevbendiya Niştimanî Sûrî