Ebdulhekîm Bişar, cîgirê serokê Hevbendiya Niştimanî ya hêzên şoreş û rikberiya Sûriyê, şer û pevçûnên li vê dawiyê yên di navbera hêzên rêjîma Esed û çekdarên “PYD” de li parêzgeha Hesekê bi “şanoyek e” binav kir.
Bişar diyar kir ku çi dema “PYD” dikeve di atengiyek siyasî de rêjîma Esed bi hawara wê ve tê, , herwiha balkişand ku berî çend rojan bi hezaran xwepêşanderên kurd ji bona şermezarkirina kiryarên PYD li Amûdê û Qamişlo û bajarên din derketin.
Bişar got ku pevçûnên wiha di sala bûrî de jî di navbera herdu aliyan de hatin dîtin, û xuya kir ku rêjîma Esed hewl dide xwepêşandanên kurdan serkut bike, bi rêka armanckirina çekdarên YPG re, baskê serbazî yê “PYD”, ku PYD ji aliyê xwe ve, van pevçûnan ji bona berjewendiyên xwe bikar tîne, bi xapandina gelê kurd ku ew li dijî rêjîmê ye, û wê dike behane ku pê tevgera kurdî bêdeng bike.
Bişar milisên Sûriya Demokratîk yên çekdarên “YPG” di nav wan de ne, bi alîgiriya rêjîma Esed gunehbar kir, û got ku ew mûçeyan ji rêjîmê werdigirin ji ber ku ew parastina wê dikin.
Cîgirê serokê Hevbendiyê dîsa got: “armanca hêzên Sûriya demokratîk li radeya pêş parastina rêjîma Esed e, herçende ku Erebên di nav hêza Sûriya demokratîk de ji Erebên Sune ne jî, lê ew alîgirên rêjîmê ne, ku ew girûpên biçûk yên bi ser rêjîmê ve, bûne yek dibin navê Hêzên Sûriya Demokratîk de, û “YPG” alîgirê rêjîmê bû ji koka xwe de, ku çekên xwe û mûçeyên xwe yên heyvane ji rêjîmê werdigirin, û niha Amerîka piştgiriya wan dike ji ber dijberiya wan ji rêxistina DAÎŞ’ê ya terorîst re, lê Amerîk ji aliyê siyasî ve ti giraniyê bi wan nade”.
Bişar tekez kir ku siyasetên PYD berovajî daxwazên gelê kurd in, herwiha ku kiryarên wê yên zordestî li heyamê çar salên bûrî de, ji yên rêjîma Beh’sa zordar li heyamê desthilatdariya wê ya nêzî 50 salî zêdetir in, hevdem bal kişand ku siyasetên wê li ser çêkirina kîn û dijminkariyê di navbera kurd û Ereban de tên avakirin, û bal kişand ku ev siyaset bi nerênî li gelê kurd divegere.
Jêder:Hevbendî + Anadol