Endamê Hevbendiya Niştimanî ya Sûrî Husên Elread, diyar kir ku tevgereke koçberî û revîna ber bi deverên rizgarkirî ji deverên ku di bin kontirola rijêma Esed û milîsên PYDe yên terorîst de heye, ji ber şert û mercên dijwar yên aborî û kiryarên teroristî yên ku dermafê nişteciyan pêk tên,.
Û Elread bal kişand ser wê yekê ku zêdetirî 46 hezar kes ji deverên cerbecur ji nîsana 2021an ta tebaxa 2022an gihiştine bajarê Serê Kaniyê, û got ku yên reviyane qesta deverên rizgarkirî kirine, piştî ku rastî girtin û îşkence û leşkerkirina neçar hatine, her weha ji ber bilindbûna mezin di bihayê tiştan de.
Û Elread amaje bi wê yekê kir ku bajarê Serê Kaniyê di bin dorpêçê de ye, ev yek jî tevgera xelkê teng dike, û gelek pirsgirêkan derdixe holê, û tekezî li ser pêwîstiya pêwendiyan li gel Netewên Yekbûyî û rêxistinên navdewletî ji bo derbasbûna Serê Kaniyê û Girê Sipî kir, daku pêdviyan binirxînin û di zûtirîn dem de alîkariyên mirovî bigihîne wan.
Û Elread bal kişand ser ku çi derengmana di alîkariyan de jiyana bidehhezarên niştecihan dixe bin metirsiyê, nemaze bi hatina zivistanê re, ku pêdvî têde zêde dibin û kêşe girantir dibin.
Jêder: Ofîsa Ragihandinê ya Hevbendiya Niştimanî ya Sûrî