Nesir Elherîrî sekertêrê giştiyê Hevbendiya Niştimanî pesnê serkeftinên artêşa Azad li Der’a da, û li ser destdanîna wê li ser navçeya şêx Miskîn û hin navçeyên din yên xudan giringiyeka leşkerî û got ku:” gaveka coreyî ye û xenqadina henaseya leşkerî ji hêzên Esed re ye, ku ev navçe bikar tanî ji bo gihandina alîkariyan bo xalên xweyên serbazî “, û amaje kir ku ” reva keriyên Esed û mîlîşeyên Hizibulah û Îrana terorîst ji devera Der’a, piştî têkşikana wan li ser destê artêşa Azad, serkeftinek qehremanî ye û nîşana ku Der’a di destpêka şoreşê de naznava Landika şoreşê wergirt, di heman demê de, ew dê bi şêweyek bêhempa naznava goristana stemkariyê û terora Esed jî bidest xwe ve bîne”. Hêjaye gotinê ku ev daxuyaniya Eherîrî hat piştî serkeftinên artêşa Azad û zalkirina çendîn baregehên stratîjîk yên hêzên Esed li bajarê Newa, ku pêktên ji: herdu girên Elhiş û Om Horan û Ewlekariya serbazî û Ketîbeya Elrehba û Ketîbeya tankan (Elhicaciya) û meydana kêlgehên nîşanan û Siriya Elkonkoris û rêbenda Hewî û herdu avahiyên pizîşkî û karubarên kargêrî û Til Herfûş û serkirdayetiya Lîwa. Herwiha balkişand û got ku” rêxistina sazkar ya hêzên şoreşgerî li Der’a bitena xwe bêhtir ji 10000 şervan pêşkêş kirine heta niha, ku gefa li hebûna serbaziya rêjîma Esed dixwe, nemaze ku navçeya başûr ya îro artêşa azad têde serkeftinan bidest tîne, hîç rêxistinek terorîstî têde nîne, yên ku rêjîma Esed li bakurê Sûriya çandine bi armanca şêwandina dengê şoreşê da negihêje guhên civaka navdewletî, lê Der’a ya hîç rêxistinek terorîst têde nine, rastiya piştevanya dewletên cîhanê bo gelê Sûriyê têxe li ber taqîkirinek zagonî û mirovî û rewiştî, ku îro Der’a bûye nimûneyeka rasteqîne û pişt pê tê girêdan bo rûxandina Esed û jinavbirina terora wî ya di deverê de”.
Jêder: Hevbendî
