Serokê Hevbendiya Niştimanî ya Sûrî Hadî El-Behra û endamên desteya serokatiyê, pêşwaziya serokê Encûmena Niştimanî ya Tirkmenî ya Sûrî Feysel Cuma û şanda pê re li baregeha Hevbendiyê li Stembolê kir, û pê re giringiya xurtkirina hevkarî, hevrêzî û beşdarbûna kartêker ji bo pêkanîna daxwazên gelê Sûriyê yên ku ji bo wan serî hildane û qurbanî dane gengeşe kir.
Di civînê de ji aliyê Hevbendiyê ve, cîgirên serok Ebdulmecîd Berekat, Dîma Mûsa û Ebdilhekîm Beşar û Sekreterê Giştî yê Hevbendiya Niştimanî Heysem Rehmê amade bûn, û ji aliyê Encumena Tirkmenî ve, Sekreterê wê yê Giştî Mihemed El-Şemalî û endamê Encumenê Mohammed Xenes, beşdarî di civînê de kirin.
El-Behra tekez kir ku hêza Hevbendiya Niştimanî bi pêkhateyên wê yên cihêreng e, yên ku nûneratiya hemû pêkhateyên civaka Sûriyê, hêz, çalakvanî û yekîtiyên sivîl û şoreşger dikin, û tekezî li ser pêwîstiya hevgirtinê û xebata hevbeş kir ji bo bihêzkirina aktîvbûna erênî ya dezgeha Hevbendiya Niştimanî, da bibe nûnerê herî baş ê şoreşa Sûriyê û daxwazên gelê wê yê ji bo bidestxistina azadî û dad û demokrasîyê qurbaniyên giranbuha dane.
El-Behra girîngtirîn encamên gera şopandinê li deverên rizgarkirî û daxwazên welatiyan ên ku di gera meydanî ya heftiya borî de ligel hejmarek ji endamên desteya serokatiyê û ya siyasî pêk hatibû nirxandin, û tekez kir ku baştirkirina pergala rêvebirinê, piştgirîkirina dahatên wan li deverên rizgarkirî, û baştirkirina xizmetguzariyan li wê deverê îro pêdiviyeke lezgîn e, her weha bihêzkirina desthilata dadweriya destpak û serbixwe, dabînkirina ewlehî û aramiyê, û handana li ser veberhênanê, ku rola hikûmeta demkî ya Sûriyê ya ku kar li ser pêkanîna vê yekê dike li vê derê diyar dibe.
Ji aliyê xwe ve serokê Encûmena Niştimanî ya Tirkmenî Feysel Cuma, tekez kir ku serkeftina Hevbendiya Niştimanî serkeftin e ji hemû dezgehan re, û tekez kir ku armanca Encûmenê yekîtiya Sûriyê û pêkanîna daxwazên gelê wê ji bo azadî dadwerî û demokrasîyê ye, herwiha tekezî li ser pêwîstiya hebûna garantîyên destûrî ji pêkhateya Tirkmenî û pêkhateyên din ên gelê Sûriyê re kir, ji bo avakirina welatekî ku rêzê li wekheviyê digire.
Cuma amaje bi pêwîstiya bihêzkirina Hikûmeta Demkî ya Sûriyê weke desteyeke cîbicîkar a hevbendiyê kir ji bo karibe karê xwe li navçeyên rizgarkirî pêk bîne.
Beşdarên ji aliyê Hevbendiya Niştimanî ve, diyar kirin ku Hevbendî şanaziyê bi tevlîbûna hemû pêkhateyên Sûriyê dike, û rijd e li ser ku nûnerên hemû aliyên çalak bi awayekî demoqratîk cih bigirin, ji ber ku ev yek dibe alîkar ji bo Hevbendî nûnertiya tevaya Sûriyan bike, lewra daxwazên Hevbendiyê daxwazin rewa ne, û hêvî û daxwazên hemû pêkhateyên gelê Sûriyê tê de hene, û çênabe werin paşguhkirin .
Her du aliyan tekezî li ser giringiya civînên asayî di navbera hev de kirin, ji bo şêwirdarî û hevrêzkirina helwestên siyasî û planên ji bo kêmkirina azarên welatiyên li navçeyên rizgarkirî û penaber û derbiderên Sûriyê.
Û beşdarên ji aliyê Encumena Tirkmenî ve tekez kirin ku Tirkmenên Sûriyê pêkhateyeke bingehîn a welat e, û serbilind in bi sûrîbûna xwe û li curbicur deverên Sûriyê belav in, û tekezî li ser baweriya xwe bi yekîtiya axa Sûriyê û gelê wê kirin, bi riya avakirina sîstemeke demokratîk ku garantiya veguhestina desthilatê ya aştiyane û berfirehiya siyasî û maf û azadiya hevwelatiyan têde parastî bin.
Jêder: Ofîsa Ragihandinê ya Hevbendiya Niştimanî ya Sûrî
