Hejmarek ji Civînên Navdewletî bo Kartêkerkirina Proseya Siyasî Li dar Dixin
Serokê Desteya Danûstandinê ya Sûrî Bedir Cemûs û Hevserokê Komîteya Destûrî Hadî Elbehra li bajarê Cinêvê yê Swîsrayê çendîn civînên navdewletî li dar xistin, ji bo ku riyên vejandina proseya siyasî û gihiştina çareseriyeke siyasî li gorî biryara navdewletî ya 2254 û pêkanîna daxwazên gelê Sûriyê di azadî, rûmet û demoqrasiyê de gotûbêj bikin.
Û Camûs li ser rûpela xwe ê Twitterê got ku bi Cîgirê Alîkarê Wezîrê Derve yê Amerîka ji bo dosyaya Sûriyê û welatê Şamê Ethan Goldrich re hevdîtin lidarxist, û pêre riyên vejandina piroseya siyasî û kartêkerkirina xalên biryara navdewletî 2254 tevlî dosya veguhestina siyasî ya dadperwer û hebûna mîkanîzmeke zelal bo cîbicîkirina biryarê û nehiştina rijêmê di berdewamiya astengkirina proseya siyasî de gotûbêj kirin.
Û got ku wî bi Hevserokê Komîteya Destûrî Hadî Elbehra re, tekezî li ser berdewamiya sizadana tawankarên rêjîmê û hemû kesên ku rola wan di îşkencekirina Sûriyan û dizîna pere û mafên wan de hebû kir, û cext kir ku çareseriyeke dadmend li Sûriyê divê dadperweriyê bo hemû Sûriyan misoger bike.
Û bal kişand ser ku Goldrich piştgiriya welatê xwe ji mafên gelê Sûriyê re nû kir, û tekez kir ku Waşinton li dijî pirosesên normalkirina têkliyan bi rêjîma Esed re radiweste, û ew hewl dide ku biryara 2254 kartêker bike, û bi gavên cidî ji bo çareseriya siyasî li ser bingeha biryarên navdewletî daku pirosesa siyasî bimeşîne.
Û Cemûs û Elbehra bi Alîkarê Wezîrê Karên Derve yê Qeterê yê Karûbarên Herêmî Mihemed kurê Ebdulezîz kurê Salih Elxuleyfî re jî hevdîtinek pêk anîn, û bi wî re li ser giringiya berdewamkirina sizayê û fişaran li ser rijêma Esed ji bo derbasî proseya veguhestina siyasî bibin axivîn, û spasî bo Qeter û hikûmet û gelê wê li ser piştgiriya wan ya berdewam bo şoreşa Sûriyê û gelê Sûriyê pêşkêş kirin.
Û Serokê Desteya Danustandinan û Hevserokê Komîteya Destûrî li gel nûnerê nû yê Almaniya bo Sûriyê Stefan Şnik civiyan, û pê re komek gavên cidî ji bo pêşvebirina piroseya siyasî û cîbicîkirina biryara 2254 gotûbêj kirin, û ji wî re xwesteka Sûriyan bo helwestên mezintir ji aliyê Almanya ve ku beşdariyê di rizgariya ji serdema stemkariyê bibe diyar kirin, û ji aliyekî din ve Schneck tekezî li ser berdewamiya piştevaniya Almanya bo gelê Sûriyê di pêkanîna azadî, rûmet û demokrasiyê de kir.Jêder: Ofîsa Ragihandinê ya Hevbendiya Niştimanî ya Sûrî
