Wek bilindnirxandinê ji xebata wî re û ji bo guhdarkirina dîdevaniya wî, Serokê Desteya Niştimanî ya Karûbarên Bêserûşûn û Girtiyan, bi hevaltiya Hevrêzkarê Ofîsa Hevbendiyê li hundir, serdana Xalid Ugle Elsilêman kir, yê ku wek Mendêlayê Sûriyê tê nasîn, yê ku ji aliyê rijêma Hafiz Esed û Beşar Esed ve zîdetir ji 26 alan di navbera 1978 û 2004an de hatibû girtin.
Û Elsilêman li gel malbata xwe berî demeke kurt derbiderî kampên bakurê Sûriyê bibû, piştî helmeta leşkerî ya dawîn a ku rijêmê û Rûsiya biriye ser deverê, û bûye sedema derbiderbûn û koçberkirina bi sedhezaran ji nişteciyên deverê, lê tevî wê jî hîn ji bo şoreşê dixebite, û bi şoreşê pabend e, û bawer e ku ku rijêm berdewam nake, û heza xwe di warê hevkarî û hevrêziya li gel Hevbendiya Niştimanî di tevaya doseyên pêwîst bo riswakirina tewanbarên cengê li Sûriyê anî ziman.
Û şandê Hevbendiya Niştimanî rewş û debara jiyana rojane ya dijwar û rewşa hîndarî û tenduristiyê di kampan de temaşe kir, û şandê metirsiya xwe li ser pêşeroja nifşên dahatî anî ziman, ji ber rêjeya bilind ya xwendekarên ku ji dibistanên kampan direvin, û bal kişand ku Ofîsa Hevbendiyê ya hundir ji bo naskirina hewcedariyên wan û baştirkirina rewşa kampan lêkolînên meydanî pêk tîne.
Tê zanîn ku Xalid Elsilêman ji ber ku demeke dirêj di zîndanên rijêmê de mabû, û ji ber berxwdana wî, navê mandêlayê Sûriyê lê kirin, û em Karin bêjin ku ew tenê wek dîdevanê sax maye, yê komkujiya Tedumirê bi tevaya hûrgiliyên wê zane, û Elsilêman razî nebû ku li deverên di bin kontirola rijêmê de bimîne, piştî helmeta rijêmê ya vê dawiyê, û dît ku derdeseriya di kapan de ji jiyana di bin desthilata rijêmê de çêtir e.
Jêder: Ofîsa Ragihandinê ya Hevbendiya Niştimanî ya Sûrî
