Serokê Hevbendiya Niştimanî ya Sûrî Salim Elmislit, duh duşemê di rûniştineke êvarî de li bajarê Efrînê beşdarî li gel rûsipiyên deverê û hejmarek ji şêxên êl û hozan kir, û dawîtirîn pêşketin û pêşhatên rewşa siyasî di dosya Sûriyê de gengeşe kirin.
Û Hevrêzkarê Hevbendiyê li deverên rizgarkirî Necîb Rehmon, û endamên Hevbendiya Niştimanî Atif Zirêq, Mihemed Şêx Reşîd, û Mihemed Xelef hevaltiya Serokê Hevbendiyê kirin, û beranberî wê rûsipiyên devera Efrînê û nûnerên ola Êzîdî û şêxên êl û hozan û yekîtî û sendîka û encumenên xwecihî û nûnerên Artêşa Niştimanî ya Sûrî amade bûn.
Û Serokê Hevbendiya Niştimanî tekezî li ser pêwîstiya dubarekirina hevdîtinên weha bo jinavbirina astengiyên li pêşiya sûriyan kir, her weha cextî li ser karkirina li ser yek rêvebiriya ku tevaya sûrî bi hemû cihêrengiyên xwe ve bihewîne kir, da ku kar ji bo avakirina Sûriya nû bikin.
Û Salim Elmislit serxoşî û sersaxiya tevaya sûriyan û bi taybetî birayên kurd kir, derbarê qurbaniyên Tawana Cindirêsê, û tekezî li ser pêwîstiya ku tawankar sizayên herî giran bibînin kir, û bal kişand ser ku rijêma tawankar yekemîn bû di çandina fitnê di navbera sûriyan de.
Û li ser asta siyasî, Serokê Hevbendiya Niştimanî got ku normalkirina têkliyan li gel rijêma tawankar nayê pejrandin, û bi pirsyarî got: Gelo kujer kare aramî û ewlehiyê li Sûriyê dabîn dike? An yê ku cîhan bi keresteyên hişbir noq kiriye? û cextî li ser pêwîstiya karê bi hev re bo rûbirûbûna rijêmê kir, û got ku divê bi çi awayî be çare were dîtin, û çareserî bi destê sûriyan bi xwe ye.
Û Şêxê Êzîdiyan li Efrînê Şêx Mihemed Kalo li ser pêkvejiyana di navbera mezheban li ser xaka Sûriyê ji demên kevnar de axivî, û cextî li ser pêwîstiya karê li ser avakirina Sûriya nû kir.
Û civîngeran di peyvên xwe de tekezî li ser berdewamiya şoreşa Sûrî û pabendbûna bi pirensîpên wê ta rûxandina rijêmê û redkirina normalkirina têkliyan bi rijêmê re kirin, her weha cextî li ser sizakirina rijêmê û cîbicîkirina biryarên navnetewî û navdewletî û nemaze biryara 2254 kirin.
Jêder: Ofîsa Ragihandinê ya Hevbendiya Niştimanî ya Sûrî
