Serokê Hevbendiya Niştimanî ya Sûrî Salim Elmislit, bi rayedarê Eniya Sûrî ya Rizgariyê Elmu’tesim Ebas û Cîgirê wî Sêf Ebo Bekir re civiya, û li karên Eniyê û çekên leşkerî yên ku pisporên niştimanperwer çêdikin û pêkanîna xolên leşkerî bi awayekî rêkûpêk temaşe kir.
Û di vê serdanê de, endamên Hevbendiyê Ehmed Remedan, Yasir Elferhan, Firas Elmisrî, Ehmed Elşihadî, Atif Zirêq Û Behcet Etasî hevaltiya Serokê Hevbendiyê kirin.
Û Elmislit li ser serdan û hevdîtinên ku Hevbendiya Niştimanî vê dawiyê pê rabûye axivî, nemaze serdana bo Emrîka û tiştên girêdayî pêşhatên pirosesa siyasî û pêwîstiya kartêkerkirina tevaya sepetên di biryarên navdewletî de hatine, û di pêşî de daxwiyaniya Cinêvê û herdû biryarên 2118 û 2254.
Û Elmislit tekez kir ku Hevbendiya Niştimanî kar li ser arastekirina hejmarek ji nameyên navdewletî derbarê biryara Entirpolê ya girêdayî vekirina Ofîsa wê li bal rijêma Esed dike, û tekezî li ser redkirina biserxistina rijêma Esed û xelatkirina wê le ser tawanên ku dermafê gelê Sûriyê pêk anîne kir.
Û Elmislit bal kişand ser giringiya berdewamiya hevrêzî û şêwirdariyê di navbera karê leşkerî û yê siyasî de, bo rûbirûbûna astengiyên dahatî yên di pêşiya şoreşa Sûrî de, û pesnê xolên rahênanê yên ku endamên Eniyê di warê mafên mirovan de û pabendiya bi pirensîpên yasaya navdewletî û yasaya navdewletî ya mirovahî da.
Ji aliyê xwe ve rayedarê Eniya Sûrî ya Rizgariyê di Artêşa Niştimanî ya Sûrî de Elmu’tesim Ebas, tekez kir ku ew di bin sîwana Hikûmeta Sûrî ya Demkî û Hevbendiya Niştimanî de dixebitin, û cextî li ser pêwîstiya karê li ser sîstema yekrêziyê kir, daku sûdê ji tevaya bizavan bo pêkanîna hêviyên gelê Sûrî di azadî û rûmet û demoqrasiyê de bibînin.
Û tekez kir ku Eniya Sûrî amade ye ku li gel Artêşa Niştimanî ya Sûrî tevaya deverên Sûriyê ji rijêma Esed rizgar bike, û ew çi hewldanên normalkirina têkliyan bi rijêma Esed re red dikin.
Jêder: Ofîsa Ragihandinê ya Hevbendiya Niştimanî ya Sûrî
