Serokê Hevbendiya Niştimanî ya Sûrî Salim Elmislit, sardana bajarê Bizaa yê gundewarê Helebê yê rojhilat kir, û bi hejmarek ji çalakiyên sivîl û yên leşkerî û rûsipiyên bajarê Babê yê Gundewarê Helebê re civiya.
Û Endamê Desteya Siyasî Mihemed Yasîn, Hevrêzkarê Nivîsgeha Hevbendiyê li deverên rizgarkirî Necîb Rehmûn û Endamê Hevbendiyê Heysem Elşehabî beşdarî di serdanê de kirin.
Û di hevdêtinê de behsa rewşa ewlekarî û mirovahî li bajarê Bizaha û giringtirîn daxwazên xelkê û zehmetiyên ku dibînin hat kirin.
Û Elmislit got ku Hevbendî di çarçoveya piransîbên neguhêr ên gelê Sûriyê de kar dike, û prensîpên Hevbendiyê heman prensîbên şoreşa Sûriyê ya gewre ne, û dest jê nayê berdan.
Elmislit di axaftina xwe ya ji xelkê re got ku gelek dewletan pişta kêşeya Sûrî girt û hîn jî Ii gel hêzên rikberiyê û şoreşa Sûriyê kar dikin û pişta wan digirin, û ew xwepêşandanên ku xelk li deverên rizgarkirî vê dawiyê kerketine, derbirîna giyanê şoreşa ku hîn di dilê sûriyan de geş e dikin.
Û tekez kir ku bêdengî li hember tawanên rijêma Esed ne pêkan e, û tawanên wê yên dijî gelê Sûriyê, kirêttirîn tawan di dîroka nûjen de ne, û cext kir ku Hevbendî bi hemû karîna xwe kar dike ji bo tevaya kesên tawankarî dermafê sûriyan pêk anîne bikşîne dadgehên navdewletî.
Ji aliyê xwe ve çalakiyên leşkerî û sivîl yên ku Şandeyê Hevbendiyê li Bizaa bi wan re civiyaye, daxwaz kirin ku Hevbendiya Niştimanî wek sazî bêhtir nêzî xelkên deverên rizgarkirî be, û şêwir û peywendiyan zêdetir bike, ji bo zelalkirina rewşa siyasî û meydanî ya doza Sûriyê, da ew jî beşdariyê di çêkirina biryaran de bikin.
Jêder: Ofîsa Ragihandinê ya Hevbendiya Niştimanî ya Sûrî