Serokê Hevbendiya Niştimanî ya Sûrî Salim Elmislit bi Serkirdeyên Eniya Rizgariya Niştimanî û Komika Sûrî ya Pêşerojê re civiya, û bi wan re rewşa giştî ya deverê û rewşa jiyanê û ya meydanî û pêşhatên proseya siyasî gotûbêj kirin.
Û endamên Hevbendiyê: Mihemed Yasîn, Mihemed Şêx Reşîd, Atêf Zirêq, Heysem Şihabî û Mihemed Selim Elmixli hevaltiya Serokê Hevbendiya Niştimanî Sûrî kirin.
Û Elmislit tekezî li ser pêwîstiya pirkitina serdan û civînên rolane ji bo naskirina kêşeyên ku xelk li deverên rizgarkirî tê re derbas dibin û gotûbêjkirina riyên çareserkirina wan kir, her weha pêwîstiya ku dawîtirîn pêşhatên siyasî derbarê dosya Sûrî di civatên navdewletî de li pêşiya wan raxînin.
Û Elmislit tekez kir ku xwepêşandanên gelêrî û azadiya derbirînê mafê hemû Sûriyan e, û ev yek ji girîngtirîn destkeftên şoreşa Sûrî ye, û got ku Hevbendiya Niştimanî piştgir û garantorê wê ye li deverên rizgarkirî, û cextî li ser pabendbûna Hevbendiyê bi pirensîpên şoreşa Sûrî û veguhestina siyasî li gorî biryara 2254 ya Netewên Yekbûyî kir.
Ji aliyê xwe ve, serkirdeyên Eniya Rizgariya Niştimanî û Komika Sûrî ya Pêşerojê bal kişandin ser ku Hevbendî ji her demê bêhtir nêzîkî kolana cemawerî bûye, û bal kişandin ser giringiya berdewamiya civînên dubare, û amaje bi wê yekê kirin ku hebûna Hevbendiyê di nav gel de mezintir û baştir bûye, û di heman demê de tekezî li ser giringiya rexnekirina avaker û rola wê di çaksaziyê de û dûrketina ji şaştiyan kirin.
Jêder: Ofîsa Ragihandinê ya Hevbendiya Niştimanî ya Sûrî