Serokê Hevbendiya Niştimanî ya Sûrî Salim Elmislit, îro, civînek awarte ya Desteya Siyasî li dar xist, da ku behsa rêşûnên ku divê bên standin bo piştgiriya tevgera sivîl û aştiyane li Deraa û Suweyda û bajarên Peravê bikin.
Û amadebûyan silav arasteyî xwepêşanderên li seranserê welêt kirin, yên ku careke di rûbirûyî amûra leşkerî dibin, ya ku rijêma Esed wan li her dera ku xwepêşandan lê hene bo serkutkirinê belav dike, û nahêle ku sivîl derdbirîna xwe di hêviyên jiyana bi azadî û rûmet de bînin ziman.
Û amadebûyan tekez kirin ku tiştê rijêm pê radibe welat ber bi wêraniyê de dibe, bi sedema berdewamiya wê di pêkanîna tawanan û heman kiryarên ku nahêlin ewlehî û aramî vegerin rewşa xwe ya normal, her wiha dizîna diravên gel û saziyên dewletê di riya milîsên Îranê û peyrewên wê re.
Û amadebûyan silav arasteyî kesayetên niştimanî yên piştgiriya xwepêşand û mangirtinan dikin kir, nemaze Şêxê Eqil ê Durziyan Hikmet Elhicrî, yê ku alîgiriya xwe ji berdewamiya metingên nerazîbûnê re anî ziman, û tekez kir ku welat û samanên wî ji mafê gel in, û ne ji mafê kesî ye wan bifroşe, an wek giraw û rehîne bide, an wan bi kirê bide. Û mebesta wî ew e ku Beşar Esed van kiryaran dike.
Û Serokê Hevbendiya Niştimanî duh, duşemê, di gotarekê de tekez kiribû, ku tişta li deverên di bin kontirola rijêma Esed de çêdibe, ji aliyê gendeliyê û têkdana rewşa jiyanê û xwepêşandanên berdewam ên xelkê ve, nîşan e ku ev rijêm nikare bibe beşek ji çareseriyê li Sûriyê, û bêguman ew sedema sereke ji bûyerên ku berê û niha li welat pêk tên re ye.
Û Elmislit got ku sivîlên ku li deverên di bin kontrola rijêma Esed de asê mane, xelkê me ne, û em li gel wan in, û piştgiriya xwe ji wan re tînin ziman, û piştgiriya xwepêşandan û serhildanên wan li hember rijêma Esed dikin, û em ji wan re tekez dikin ku Sûriya ya em dixwazin ne ya aliyekî bi tenê ye, lêbelê ev welat ji bo hemû xelkên wî yên ku jiyaneke birûmet divên e.
û tekez kir ku Hevbendî li gel xelkên başûrê Sûriyê ye, yê ku careke din li dijî rijêma Esed radibin, û ew bi gernasî û rijdiya wan li ser jiyana rûmetdar serbilind e.
Û bal kişand ser wê yekê ku divê cîhan bizanibe ku tevahiya gelê Sûriyê desthilatdariya vê rijêmê naxwaze, ya ku welat tijî kuştin, teror û wêrankirin kiriye, û hewlên rijêma tawankar di têkbirina tevna civakî ya gelê Sûriyê de bi ser nakevin.
Û got ku dengê xelkê Suweyda yên ku piştgiriya bakurê Sûriyê dikin, nîşana hevgirtina niştimanî û yekrêziya doz û armancan e, û tekez kir ku divê cîhan bi baldarî guh bide dengên mafdariyê yên ku ji Şamê, Suweyda, Daraa, Heleb, peravên Sûriyê û parêzgehên din ên Sûriyê, dengên ku zordariyê red dikin, û jiyanê hembêz dikin, dengên ku textê rijêma Esed yê ku li ser termên sûrîyên bêguneh hatiye avakirin, dihejîne.
Û cext kir ku gelê Sûriyê yê azad di wê baweriyê de ye ku rijêma Esed ji yekem qêrîna daxwaza azadiyê li Sûriyê kir de ketiye, û ew di wê baweriyê de ye ku ev rijêm bi ser nakeve, û Sûriya venagere rewşa xwe ya berî sala 2011an.
Jêder: Ofîsa Ragihandinê ya Hevbendiya Niştimanî ya Sûrî
