Serokê Hevbendiya Niştimanî, D. Nesir Elherîrî, di WorkShopa ku saziya Sivîlên ji bo Dadwerî û Aştiyê li dar xist de, di nav komeke ji partiyên Sûrî de di bin navnîşana “Hevdîtina Rawêjkarî ya Çaremîn a Fraksyonên Siyasî yên Sûrî ” beşdar bû.
Û amedebûyan pêşhatên meydanî û siyasî, nemaze karên Komîteya Destûrî ya Sûrî yaku îro duşemê dest pê bûye, her weha doseya çaksaziya dezgehên rikberiya Sûrî berçav kirin, û Elherîrî tekez kir ku Hevbendiya Niştimanî kar li ser pêşxistina nerîna siyasî dike, û amedebûyan li ser lidarxistina workshopeke din ji bo gengeşekirina tevaya mijaran bi awayekî mezintir di rojên dahatî de lihev kirin.
Û Elherîrî bal kişand ku Hevbendiya Niştimanî di destpêkê de nûnertiya daxwazên şoreşa Sûriyê û gelê Sûriyê ji bo pêkanîna azadî û rûmetê dikir, û got ku piştî salan berpirsyarî zêde bûn, ji ber ku niha bi milyonan xelk li deverên rizgarkirî dijîn, û ew hewcedar in ku Hikûmeta Sûrî ya Demkî û Artêşa Niştimanî Sûrî û Encûmanên Xwecihî yên girêdayî Wezareta Rêvebiriya Xwecihî bi erkê xwe derbarê wan rabin, her weha biryar û hukmên cîbicîkirinê yên karûbarê xelkê Sûrî li wan deveran rêxistin bike.
Û tekezî li ser girîngiya danûstandina li gel van guhartinan kir, û eşkere kir ku Hevbendiya Niştimanî amade ye ji çi pêşniyrên derbarê xurtkirina pirojeya xwe ya niha re, û bi çakkirina karê xwe paben e, û got ku pirosesa çaksaziyê û guhertina şêweyê kar divê bi awayekî tekûz be.
Û bal kişand ku Hevbendiya Niştimanî kar ji bo nûkirina nûnertiya xwe ya diplomasî li Dewletên Erebî û Ewropî û Amerîka dike, û diyar kir ku ew dixwaze sûdê ji pispêrên xwedî ezmûnên diplomasî yên ji rijêmê cihê bûne wergire, ji bo xurtkirina têkliyên diplomasî û nûnertiya Sûriyê di Saziyên Navdewletî de tevî Netewên Yekbûyî, û nûnerên rijêmê ji wan deran biqewtîne.
Jêder: Ofîsa Ragihandinê ya Hevbendiya Niştimanî ya Sûrî
