Serokê Hevbendiya niştimanî ya hêzên şoreşê û rikberiya Sûriyê Ebdulrehman Mistefa tekez kir ku eger rêjîm êrîşî Idlibê bike ew dê têk biçe, û got ku hêzên artêşa Sûrî ya azad ji çi sînaryoyên tên texmînkirin re amade ne, û destnîşan kir ko Tirkiyê bi roleke giring radibe tako planên dahatî têk bide.
Mistefa îro duşemê di daxuyaniyeke taybet de got ku hevbendiya niştimanî di metirsiya gefên ko Rûsya û rêjîm didin dighêjê , û danûstandinê bi heval û şirîkan re berdewam dike ji bo metirsiyê ji ser Idlibê dûr bike, û pirosêsa siyasî û ya danûstandinan aktîv bike, û destnîşan kir ko amanc ji wan êrîşên li ser Idlib û ji hemû operasiyonên leşkerî yên berê; astengkirina pirosêsa siyasî û nehêlana cîbicîkirina biryarên navdewletî û veguhastina siyasî ya tekûz li welat e.
Bal kişand ser ko çareseriya leşkerî ya xwînrijandinê ew bijardeya rêjîmê ya tekane ye. û berdewam kir û got: ‘’ ji ber vê yekê em ji hemû sînaryoyan re amade ne, û em bi bijarteya siyasî pabend in. Lê tev li planên wê jî; rêjîm dizane ku heye çi tiştê bi kuştinê û koçberkirinê di salên borî de misoger kiriye, di vê cengê de ji dest bide.‘’
Tekez kir ko Idlib dê hêmin bimîne û alayên artêşa azad xwe ji mijarê re amade dikine… xelkên Idlibê û koçber naçin tu cihên din, ew li xak û welatê xwe ne û dê berevaniya di ber de bikin.
Serokê hevbendiyê dibîne ku eger cenga Idlib çêbû; dê rêjîm û hevalbendên xwe têk biçin, alayên artêşa azad li şer nagerin lê ewê beraberiya dijminkariyê bi hemû hêza xwe bikin, vê carê wê rewş ne wek yên berê be, û rêjîm û hevalbendên xwe vê yekê dizanin.
Derbarê rola Tirkiyê bo rawestandina çi operasiyonê, Mistefa got: ‘’ Tirkiyê bi roleke sereke radibe beraber van planên rêjîmê û hevalbendên wê‘’, û got: Sûrî bi hemû pêkhatiyên xwe hêvî dikin ko Tirkiyê roleke bêtir kêrhatî rabe û bihêle şer raweste û rê li pêşiya pêvajoya siyasî veke heta bigehên veguhastina siyasî.
Û berpirsiyariya çi êrîşa li ser Idlib da ser milê civaka navdewletî, û daxwaz ji netewên yekgirtî kir ko berevaniyê di ber biryarên xwe û sivîlan de bike, û destnîşan kir ko giring e hemû alî fişarê li ser rêjîmê û hevalbendên wê bikin, û cîbicîkirina biryarên navdewletî û di serî de daxuyaniya Cinêvê û biryara 2254 dabîn bikin.
Jêder: Ofîsa Ragihandina Hevbendiya Niştimanî ya Sûriyê