Duhî ji bo şermezarkirina topbarana navendên pizîşkî yên girîng û xalên tenduristiyê li gundên parêzgeha Helebê, çend xwepêşandan ji bo şermezarkirina êrîşên hêzên rejîmê û Rûsiya li ser nexweşxane û xalên pizîşkî derketin, ku ji aliyê stafên pizîşkî ve yên nexweşxaneyên bakurê Sûriyê hatibûn amadekirin.
Xwepêşandan ji aliyê staf û karmendên pizîşkî li bajarê “Atarib” li rojavayê bajarê Helebê ji bo şermezarkirina bombebarana ji aliyê balafirên rejîmê û Rûsan hat lidarxistin, bi bilindkirina pankartên li ser wan hatibû nivîsandin: “Ewlekariya stafên pizîşkî erkê hemûyan e” û “NA ji êrîşkirina li ser navend û kadroyên pizîşkî re”.
Herwiha xwepêşandaneke din ji aliyê 500 karmendên pizîşkî li devera “Atma” li bakurê bajarê Idlibê, li dijî binpêkirin û êrîşkirina li ser nexweşxane û karmendên pizîşkî li deverê hat lidarxistin, bi tekezkirina ser ku êrîşên ji aliyê hêzên rejîmê û balafiran Rûsya dibin, tawanên şer in, li gora yasa navnetewî.
Di heman çarçoveyê de, ji aliyê karmendên pizîşkî ve li çend deverên gundewarê Helebê xwepêşandan bi heman awayî hatin organîzekirin, yên herî mezin li bajarokên “Daret Aza” û “Kefer Hamra” û “Anadan” bûn, ji bo redkirin û şermezarkirina êrîşên berdewam ji aliyê Rûsya û rêjîmê ve li ser nexweşxane û dezgehên bijîşkî.
Xwepêşander û protestokaran gotin ku Stafên pizîşkî beşek ji sîstema navnetewî ne, û destnîşan kirin ku parastina wan dikeve li ser stûyê Netewên Yekbûyî û civata navnetewî, û bal kişxndin ku ew xizmetên tenduristîyê bi wekhevî û bêcudahî pêşkêş dikin.
Ji aliyê xwe ve, Hevbendiya niştimanî ya hêzên şoreş û rikberiya Sûriyê piştrast kir ku ev operasyon bi mebest ji aliyê rêjîma Esed û Rûsya ve dibin, ji bo neçarkirina xelkê Sûriyê li ser xweradestkirinê, bi rêya bombekirina rêbazkirî ji navendên girîng û nexweşxane re.
Jêder: Ofîsa Ragihandina Hevbendiya Niştimanî ya Sûriyê